Emma (2020)
| Emma | |
|---|---|
| filmo | |
| Originala titolo | Emma. |
| Originala lingvo | angla lingvo |
| Kina aperdato | 21 feb. 2020, 5 mar. 2020, 14 feb. 2020, 24 apr. 2020, 12 mar. 2020 |
| Ĝenro | drama filmo, filmo bazita sur romano, komedia filmo |
| Kameraado | Christopher Blauvelt |
| Reĝisoro(j) | Autumn de Wilde |
| Produktisto(j) | Tim Bevan • Eric Fellner • Graham Broadbent |
| Scenaro | Eleanor Catton |
| Loko de rakonto | Anglio |
| Muziko de | Isobel Waller-Bridge |
| Rolantoj | Anya Taylor-Joy • Joe Flynn • Bill Nighy • Mia Goth • Miranda Hart • Josh O'Connor • Callum Turner • Amber Anderson • Rupert Graves • Gemma Whelan • Tanya Reynolds • Connor Swindells • Oliver Chris • Chloe Pirrie • Angus Imrie |
| Produktinta firmao | Working Title Films Blueprint Pictures Focus Features |
| IMDb | |
Emma. (kun punkto) estas historiepoka komedia filmo de 2020 bazita sur la samnoma romano de 1815 de Jane Austen. Reĝisorita de Autumn de Wilde, kaj verkita de Eleanor Catton, en la filmo stelulas Anya Taylor-Joy, akompanata de Johnny Flynn, Josh O'Connor, Callum Turner, Mia Goth, Miranda Hart, kaj Bill Nighy. Ĝi estis elsendita en Britio la 14an de Februaro 2020, kaj en Usono la 21an de Februaro 2020. Ĝi ricevis ĝenerale favorajn recenzojn el kritikistoj, kaj enspezis 26 milionojn da usonaj dolaroj tutmonde. La filmo ricevis du nomumojn al Oskar-premioj nome por Plej Bonkvalita Kostumdesegno kaj por Plej Bonkvalitaj Ŝminko kaj Harfrizado en la 93a ceremonio de disdono de Oskar-premioj.
Intrigo
[redakti | redakti fonton]Emma Woodhouse estas junulino entuziasma por aranĝi amaferojn de konatuloj, eĉ diktatore decidante pri iliaj vivoj. Ŝi restas fiera, ke ŝia interveno solvas la vivon de la aliuloj. Tiukadre ŝi klopodas edzinigi sian amikinon Harriet Smith kun pastro Elton, kiu rezultas socia grimpulo kaj aroganto, krom kandidato por la propra Emma. Aperas tre diversaj roluloj kiuj teksas inter si diversajn interplektitajn rilatojn, en kiuj Emma agadas arogante kaj vivdecida. Ekde la komenco, nur Mr. Knightley, najbaro kaj parenco de Emma, kuraĝis kritiki ŝin, kaj kvankam pli aĝa ol Emma, li amas ŝin. Okazas amsenta triangulo inter Harriet, Emma kaj Mr. Knightley, kiu solviĝas je la filmofino. La amafera intrigo estas ekskuzo por la socia kritiko.
Geaktoraro kaj roluloj
[redakti | redakti fonton]- Anya Taylor-Joy kiel Emma Woodhouse
- Johnny Flynn kiel George Knightley
- Mia Goth kiel Harriet Smith
- Miranda Hart kiel Miss Bates
- Bill Nighy kiel Mr Woodhouse
- Josh O'Connor kiel Reverendo Mr Elton
- Callum Turner kiel Frank Churchill
- Amber Anderson kiel Jane Fairfax
- Rupert Graves kiel Mr Weston
- Gemma Whelan kiel Mrs Weston (iam Miss Taylor)
- Tanya Reynolds kiel Mrs Augusta Elton
- Connor Swindells kiel Robert Martin
- Oliver Chris kiel John Knightley
- Chloe Pirrie Isabella Knightley