El Vikipedio, la libera enciklopedio
El Ejido [eleĤIdo][3] (signife "komuna tereno") estas hispana municipo kiu lokas en Andaluzio kaj en sudo de provinco Almerio. Ĝia etendo konsistas el 225,4 km2. En la jaro 2019 okdek tri mil kvincent naŭdek kvar personoj rezidis en la municipo.[4][5] Ĝi estas en la komarko Poniente Almeriense, je 32 km de la provinca ĉefurbo, Almerio. En 2016 jam estis 88 752 loĝantoj kaj estis la tria municipo plej loĝata de la provinco Almerio, post Almerio mem kaj Roquetas de Mar. La areo estas de 227 km² kaj estas loĝdenseco de 370,68 loĝ/km².
Pro la prospera ekonomio de El Ejido, bazita en la agrikulturo de legomoj sub plastaj forcejoj, estis forta altiro al enmigrado en la lastaj jardekoj, unue de lokanoj de proksimaj areoj kiel Alpujarras kaj poste de aliaj partoj de Hispanio kaj de aliaj landoj. La eksterlanda enmigrado estas forta en El Ejido, pro la granda kvanto de laborpostenoj en la agrikulturo, pro kio estas gravaj la kolonioj de marokanoj, rumanoj, ekvadoranoj, argentinoj aŭ rusoj, ĉefe, same kiel de landoj el Subsahara Afriko. En la lasta jardeko okazis polemikoj pro akuzoj kontraŭ la dungantoj, ke ili nek zorgas pri la enleĝigo de la situacioj de la eksterlandaj laboristoj nek respektas iliajn laborajn rajtojn. La dungantoj defendas sin, ke ili respektas la laboran juron kaj ke multaj eksterlandanoj post atingi reguligon forlasas la laborpostenojn.[6]
Jam fine de la 20a jarcento okazis foje konfliktetoj inter la lokanoj kaj la enmigrintoj kiuj suferis ofte malhumanajn labor- kaj viv-kondiĉojn. Iam okazis en la urbo tri murdoj, el kiuj unu de virino murdita de enmigrinto kun mensaj malordoj. Tiam, 6a de februaro 2000, eksplodis tajdo de perforto de lokanoj kontraŭ enmigrintoj, kaj dum du tagoj oni detruegis loĝejojn, aŭtojn kaj instalaĵojn apartenantajn al enmigrintoj. Devis veni ĝis 600 policanoj por restarigi la ordon.[7] Dudek jarojn poste, la enmigrintoj, devenaj el 94 landoj –ĉefe el Maroko- plue estas la 30% de la loĝantaro de la municipio el 84 000 reguligitaj loĝantoj, al kiuj aldonedas centoj de eksterleĝaj migrantoj. Tiu eksterlanda proporcio konstituas 80% de la laboristaro de la forcejoj de tiu municipo, kun deklarita areo de 14 000 hektaroj, nome pli ol duono de la forceja kultivado de la provinco Almerio.[8] Granda parto de la enmigrintoj plue suferas malfacilajn vivkondiĉojn, dum granda parto de la lokanoj pli kaj pli apogas la dekstrajn politikistojn kiuj tendencas al duraj reguloj kontraŭ enmigrado.
| Municipoj de Provinco Almería |
|---|
|  |
|
Hispanio
Vikimedia Komunejo: El Ejido
.svg){kind=small}
