Balga

Balga
burgo • rekonilo
Geografiaj informoj
Lando	Rusio
Geografia situo	54° 33′ 9″ N, 19° 58′ 10″ O (mapo)54.552519.969444444444Koordinatoj: 54° 33′ 9″ N, 19° 58′ 10″ O (mapo)
DEC Situo de Balga
Konstruita	1250
v • d • r

Balga estas nomo de historia burgo kaj teŭtona setlejo ĉe la Vistula Laguno en la nuna distrikto Bagrationovsk de Kaliningrada provinco (antaŭ la Dua Mondmilito en Orienta Prusio).

En 1238 la ordeno de germanaj kavaliroj konkeris la prusan burgon Balga, kie en la sekva jaro konstruis novan kastelon. Balga ekde 1250 estis sidejo de komandorlando, kiu etendiĝis al sud-oriento ĝis Johannisburg kaj Lyck. La komandoroj de Balga plenumis samtempe la oficon de vokto de Natangio. Pro sia situo (akva transporto) Balga ne estis konkerita dum la praprusaj ribeloj. En la jaro 1253 tra Balgo al Sambio iris ekspedicio de ĉeĥa reĝo Přemysl Otakar la 2-a. Samtempe oni finis konstrui novan kastelon dediĉitan al la konvento. Komence de la 14-a jarcento al la konstruaĵo estis aldonita antaŭkastelo. En la 17-a jarcento la burgo estis malkonstruita, kaj la materialon oni uzis por konstrui fortikaĵon en Pillau.

Nuntempe Balga estas neloĝata. Post la burgo restis malkovritaj fundamentoj kaj ruina antaŭkastelo, parte rekonstruita antaŭ la Dua Mondmilito. Apud la ruinoj troviĝis restaĵoj de la preĝejo s-ta Nikolao el la 14-a jc. kun konservitaj ĉirkaŭmuroj kaj portalo dekorita per ŝtonoj portitaj el la Sankta Lando kaj restaĵoj de murpentraĵoj.

La paroĥa preĝejo en Balga antaŭ 1525 apartenis al la dekanujo Braunsberg.

Kelkaj komandoroj de Balga iĝis poste altaj majstroj de la ordeno de germanaj kavaliroj, interalie Winrich von Kniprode kaj Ulrich von Jungingen.

• 
  Standardo de Balga, trofeo de la batalo de Grunwald
• 
  La burgo en la 17-a jc.
• 
  Ruino en 1850
• 
  Balga en la 1930-aj jaroj, post kelka rekonstruo