Belmont-sur-Yverdon
| Belmont-sur-Yverdon | |
|---|---|
 | |
| Blazono de Belmont-sur-Yverdon | |
| komunumo en Svislando | |
| Kantono | Vaŭdo |
| Distrikto | Vaŭda Nordĵuraso |
| Koordinatoj | 46° 44′ 43″ N 6° 37′ 26″ O / 46.74528 °N, 6.62389 °O (mapo)Koordinatoj: 46° 44′ 43″ N 6° 37′ 26″ O / 46.74528 °N, 6.62389 °O (mapo) |
|
| |
| Nombro de loĝantoj | 331 |
| Areo | 6,47 km² |
| Alteco | 535 m super marnivelo |
| Poŝtkodo | 1432 |
| Komunumkodo | 5902 |
 | |
| Situa mapo de Belmont-sur-Yverdon | |
Belmont-sur-Yverdon estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 331 loĝantojn je la 31-a de decembro 2012.
Geografio
[redakti | redakti fonton]La komunumo Belmont-sur-Yverdon situas 3 kilometrojn sude de la distriktĉefurbo Yverdon-les-Bains en la ebenjaĵo de la rivero Orbe. La nordorientan komunumlimon formas la Orienta Kanalo (Canal oriental), flanka kanalo de la rivero Thielle. La komunumo konsistas el la vilaĝo Belmont kaj la setlejoj Le Villaret tute en la sudo kaj La Léchère sude de la vilaĝo.[1]
La teritorio de la komunumo etendiĝas sur areo de 6,47 km², de kiuj 17,5% estas kovritaj de arbaro, 76,2% servas por agrikulturo kaj 5,7% por setlado. [2]
Najbaraj komunumoj
[redakti | redakti fonton]La komunumo Belmont-sur-Yverdon limas en nordo al Yverdon-les-Bains, en nordoriento al Gressy, en oriento kaj sudo al Essertines-sur-Yverdon, en sudokcidento al Suchy, kaj en nordokcidento al Ependes.
Trafiko
[redakti | redakti fonton]Tra Belmont-sur-Yverdon pasas konekta vojo de Ependes al Gressy kaj alia fojo al Corcelles-sur-Chavornay. En nordo tra la komunuma teritorio pasas la svisa aŭtovojo A1, kies vojnodo Yverdon kun la svisa aŭtovojo A5 situas ĉe la nordorienta komunumlimo. 1 kilometron nordoriente de la komunumo situas la alveturejo Yverdon al la svisaj aŭtovojoj A1 kaj A5. Pere de poŝtaŭtolinio de Yverdon al Suchy la komunumo estas konektita al la publika transportreto.
Historio
[redakti | redakti fonton]La unua dokumenta mencio de Belmont-sur-Yverdon datiĝas el la jaro 1154 kiel castrum Bellimontis. Villaret estis menciita en la jaro 1164 kiel Villars-Frelon. La vilaĝo estiĝis el antaŭurbo menciita en la jaro 1220 kiel semajna merkato, kiu en la jaro 1367 akiris urborajton. En la jaro 1433 la urbeto apartenis al la bonaj urboj de Vaŭdoj, sed poste perdis sian signifon kaj sian urban statuson. Sub la berna regado de 1536 ĝis la Helveta Revolucio de 1798 ĝi estis la sidejo de subvoktejo de la Voktejo Yverdon. En la jaro 1803 ĝi fariĝis ĉefloko de la komunumaro Belmont en la Distrikto Yverdon, kun kiu ĝi surbaze de la administra reformo de 2006 kun efiko de la 1-a de januaro 2008 estis integrita al la nove kreita Distrikto Vaŭda Nordĵuraso.[3]
Vidu ankaŭ
[redakti | redakti fonton]- Aliaj lokoj kun la nomo Belmont
Notoj kaj referencoj
[redakti | redakti fonton]- ↑ Fonto: Reta mapo 1:20000 de Swisstopo Arkivigite je 2013-10-16 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Olivier Dessemontet: Belmont-sur-Yverdon en Historia Leksikono de Svislando (2004-06-11)
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Belmont-sur-Yverdon – (Kolekto de bildoj kaj plurmediaj dosieroj)
