Spider-Man 2
|
C'l artìcul chè 'l è scrit in
Miranduléś |
 Spider-Man 2
| ||
 Alfred Molina in na figùra dal film | ||
| 'L Óm-Ragn 2 2004 | ||
|---|---|---|
| Regìa: Sam Raimi | ||
| Scritōr: Stan Lee • Steve Ditko • Alfred Gough Miles Millar • Michael Chabon • Alvin Sargent | ||
| Atōr: Tobey Maguire • Kirsten Dunst • Alfred Molina James Franco • Rosemary Harris • J.K. Simmons Donna Murphy • Willem Dafoe • Dylan Baker | ||
| Müsica: Danny Elfman | ||
| Léngua: Ingléś • Rus • Cinéś | ||
| Dürä dal film: 127 minüt | ||
| Nasiōṅ: Stat Unî | ||
Spider-Man 2 (’L Óm-Ragn 2) 'l è 'n film fantàstic americàṅ dal 2004 ad Sam Raimi trat da 'l persunàǵ di fumét dla Marvel Comics creâ in dal 1962 par Stan Lee e par Steve Ditko. 'L è 'l séguit dal film Spider-Man ad dū an prima.
Custàda duśènt migliòṅ ad dòlar, la pelìcula la 'n à pò purtâ a cà dagnóra utsènt, vinsénd 'l Prèmi Òscar p'r i efèt speciài. In dla culòna sunóra dal film Michael Bublé al canta 'l braṅ Theme For Spider-Man.
Sunt
Da quànd 'l è diventâ 'l Óm Ragn, Peter Parker (Tobey Maguire) al gh'à na vita piutòst tribulàda, fra i prubléma ecunòmig ch'al gh'à insém a sò sîna May (Rosemary Harris), al quistiunàdi cun J. Jonah Jameson (J. K. Simmons), diretōr dal giurnàł Daily Bugle, e 'l pōc tèmp ch'al pōl pasàr cun la sò muróśa Mary Jane Watson (Kirsten Dunst). Inólt'r al sò mijōr amìg, Harry Osborn (James Franco), al vōl vindicàr-'s ad Spider-Mar cunsiderâ respunsàbil dla mòrt ad sò pàdar, al Goblin Vérd (Willem Dafoe).
Dvintâ 'l cap dla Oscorp, Harry al finànsia i prugèt dal siensiâ Otto Octavius (Alfred Molina) su la fuśiòṅ a fréd.