Neréo

Al Neréo (Νηρεύς in gréc), in dla mitulugìa gréca, 'l era na divinitê di prìm tèimp dal mèr, fiōl dal Pòunt e dla Géa. 'L ìva spuśê l'oseanèina Dòride ch'la gh'dèva el sinquànta fiōli Nerèidi, e tra chegli ètri, anca l'Alìce e la Teti (ch'la sarèv e-dvintèda pò la mèder dl Achìl). Al psiva anca avér-eg al fiōl Nerît.

Soquànti fòunt cùma l'Odisèa, la Teogonìa dl Esìod e la Bibliutèca dl Apolodòr, i 'n descòren cuma 'd un vèć ch'al gh'vèd giòst, ch'al saìva anca vèd'r in dal futûr, e bòun, 'd indû i sarèven deśgnû i só scutmài ed "veritiér", "benèvol" e "sèinsa mensòggna e gnanca śmingànsa". Al gh'ìva la posibilitê 'd cambièr la só forma, cuma pasèr da quèla 'd serpèint a la forma dl'aqua a quèla dal fóg. 'L abitèva cun la só famìja in degli aqui dl Egéo.

• mitulugìa gréca
• dio gréc dal mèr
• Dòrid
• Nerèidi
• Teti

• Wikimedia Commons contiene file multimediali su Neréo
• (IT) Al nòm ed Neréo in sìm'a 'l Wikisiunàri
• (IT) La citasiòun dal Neréo in dla Teogonìa dl Esìod in dal wikiquote

• (IT) Al Neréo in dla spiegasiòun ed Mitologia.dossier
• (EN) I còunt in sìm'a 'l Neréo ind un sît ingléś