Fuori orario
|
C'l artìcul chè 'l è scrit in
Miranduléś |
 After Hours
| ||
| Fuori orario | ||
 Dunne e la Rosanna Arquette in na figùra dal film | ||
| Fóra uràri 1985 | ||
|---|---|---|
| Regìa: Martin Scorsese | ||
| Scritōr: Joseph Minion | ||
| Atōr: Griffin Dunne • Rosanna Arquette �� Teri Garr Verna Bloom • Tommy Chong • Linda Fiorentino John Heard • Cheech Marin • Catherine O'Hara | ||
| Müsica: Howard Shore | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
Fuori orario (Fóra uràri) l'è na cumèdia négra americàna dal 1985 ad Martin Scorsese, vinsidōra dal prèmi par la regìa a 'l 39śum Fèstival ad Cannes.
Al gh'iva 'd èsar girâ par Tim Burton che pò al s è tirâ indrē a 'l ùltim quànd 'l à savû che Scorsese 'l al vliva far lò a 'l pòst ad L'ultima tentazione di Cristo, scanślâ da qvéi dla Paramount un méś prima ch'al tachìs.
Sunt
Paul Hackett (Griffin Dunne) 'l è 'n prugramadōr ad computer put ch'al lavóra par na sucietà infurmàtiga 'd New York. Na sira, dòp na giurnàda 'd lavōr, al và a magnàr a 'l risturànt e al cgnós na bèla dóna biónda, la Marcy Franklin (Rosanna Arquette). Dòp avér dascōrs sèg dal scritōr ch'a gh piàś da mat, Henry Miller, e dal sò lìbar Tròpic dal Càncar, la Marcy la gh lasa 'l nùm'r ad telèfun dal sò apartamènt in dal quartēr luntàṅ ad Soho ch'la spartìs cun n'artìsta dark sò amìga, la Kiki Bridges (Linda Fiorentino).
Quand Paul al và là al cata sōl la Kiki e quànd l'è óra 'd andàr via al gh'à di prubléma parchè al sò bòṅ da vint dòlar, ch'a gh sarvìva par pagàr-'s al taxi, al vóla via par la fnèstra. 'L è 'l inìsi dna nòt 'd arbgàt par lò parchè i gh in sucéd'n ad tut i culōr.