Ballata macabra
|
C'l artìcul chè 'l è scrit in
Miranduléś |
 Burnt Offerings
| ||
| Ballata macabra | ||
 Oliver Reed e la Bette Davis in na figùra dal film | ||
| Balàda ch'la dà scarésa 1976 | ||
|---|---|---|
| Regìa: Dan Curtis | ||
| Scritōr: Robert Marasco Dan Curtis • William F. Nolan | ||
| Atōr: Karen Black • Oliver Reed • Eileen Heckart Lee Montgomery • Bette Davis • Todd Turquand Dub Taylor • Joseph Riley • Burgess Meredith Orin Cannon • Jim Myers • Anthony James | ||
| Müsica: Bob Cobert | ||
| Léngua: Ingléś | ||
| Dürä dal film: 116 minüt | ||
| Nasiōṅ: Stat Unî | ||
Ballata macabra (Balàda ch'la dà scarésa) 'l è 'n film ad scarésa americàṅ dal 1976 ad Dan Curtis trat da 'l rumànś “Burnt Offerings” ad Robert Marasco.
'L è stâ girâ a Oakland (Califòrgna) e 'l à muciâ sù a i butghèṅ di Stat Unî un migliòṅ e mèś ad dòlar.
Sunt
La famìja Rolf la tōś in afìt par l'Istâ da i fradèi Arnold (Burgess Meredith) e Roz Allardyce (Eileen Heckart) na cà vituriàna a 'n bòṅ prèsi par parsàr-'g al vacànsi. La vila l'è dimóndi bèla, la gh'à na pisìna granda e l'è in mèś a 'l vérd, anc s'l'è 'n pôc małmìsa. I padròṅ ad cà i s arcmàndan a Ben (Oliver Reed) e a sò mujér, la Marian (Karen Black), ad tgnir a drē a la sò vècia màdar ch'la stà in dal tasèl mansardâ. P'r al fat che lē l'è dimóndi timda, 'l è abàsta lasàr-'g al magnàr fóra da 'l us parchè la dóna la n vōl dascórar cun ninsòṅ. Cla cundisiòṅ lè la pâr un quèl da gnint e Ben, ch'al gh'à adrē anc sò fiōl David (Lee Montgomery) e sò sîna Elizabeth (Bette Davis), al cata 'l acòrd facìlmènt.
Ad purtàr sù al magnàr a gh pénsa la Marian che però, c'n al pasàr dal tèmp, l'armàgn dimóndi culpìda da 'l aredamènt ad cla cà lè, in na quàlc manéra la s sènt ligàda strica, méntar sò marè al và invéci in depresiòṅ. Quànd pò a mōr la sia Elisabeth in na manéra minga tant ciàra, a taca a vgnir-'g al suspèt ch'in dla vila a gh sia na fòrsa catìva che piàn piàṅ l'è drē a frustàr la famìja cuma s'la gh ciucìs via la fòrsa vitàla.