Bubliny (rod)
|
Toś ten nastawk z temu rod "Knautia" jo pó lema na drugi nastawk pódobny. Drugi lema bubliny ma temu družyna "Knautia arvensis". |
|---|
| |
| Bubliny (Knautia arvensis) | |
| systematika | |
|---|---|
| Domena | Eukaryoty |
| Swět | Rostlinstwo |
| Asteridy Euasteridy II | |
| pórěd: | (Dipsacales) |
| swójźba: | Kózylistowe rostliny (Caprifoliaceae) |
| pódswójźba: | Drapalcowe rostliny (Dipsacoideae) |
| rod: | Bubliny[1] |
| wědomnostne mě | |
| Knautia | |
| L. | |
Bubliny[1] (Knautia) jo rod ze pódswójźby drapalcowych rostlinow (Dipsacoideae) znutśika swójźby kózylistowych rostlinow (Caprifoliaceae).
Wopis
[wobźěłaś | žrědłowy tekst wobźěłaś]Družyny su jadnolětne abo wěcejlětne. Kwiśonki su tym pśiswójźbnego roda pupawow (Scabiosa) pódobne.
Stojnišćo
[wobźěłaś | žrědłowy tekst wobźěłaś]Rostu na łukach, ale teke w žywych płotach a w gustych lěsach. Rostliny su zymje pśetrajuce. Maju lěpjej słyńcne až połchłodkowe stojnišćo.
Rozšyrjenje
[wobźěłaś | žrědłowy tekst wobźěłaś]Rostliny su w Europje a Azije rozšyrjone, pśi comž wót regiona Srjejźnego mórja až do Sibirskeje wustupuju. Wóna teke wustupujo w krotkowjacornej Aziji a w pódwjacornej Africe.[2]
Systematika
[wobźěłaś | žrědłowy tekst wobźěłaś]Rod Knautia bu w lěśe 1753 wót Carl von Linné w Species Plantarum, zwězk 1, strona 101, nejpjerwjej wózjawjany[3]. Synonym za Knautia L. jo Trichera Schrad. ex Roem. & Schult.[4].
Rod jo w systematice śěžka. Wutwóri polyploidijowy kompleks, pśi comž nowotwórjenje družynow hyšći njejo skóńcone. Cesto wustupuju teke hybridy. Eksistěrujo 60 družynow, z kótarychž 48 teke w Europje wustupujo.[5]
W srjejźnej Europje wustupuju slědujuce družyny:
- Bubliny[1], teke pupawa[1], rolne bubliny[6] (Knautia arvensis), cesty a rozšyrjony
- Lěsne bubliny (Knautia dipsacifolia, pó Fischer Knautia maxima), cesty
- Balkańske bubliny (Knautia drymeia)
- Žołte bubliny (Knautia kitaibelli)
- Cerwjene bubliny (Knautia macedonica)
- Dłujkołopjenate bubliny (Knautia longifolia)
- Korutańske bubliny (Knautia carinthiaca), endemit w Görtschitztal mjaz Eberstein a Launsdorf.
- Noriske bubliny (Knautia norica), endemit w Górnej Štyrskej a Korutańskej.
Nožki
[wobźěłaś | žrědłowy tekst wobźěłaś]- ↑ 1,0 1,1 1,2 1,3 Petrick, W. et al̇.: Flora des Spreewaldes. Natur und Text, Rangsdorf 2011, b. 102 (Serbske mě za Knautia arvensis).
- ↑ Flora of Pakistan
- ↑ Carl von Linné: Species Plantarum. 1, Stockholm 1753, b. 101 (Prědne wótzjawjenje wót Knautia skenowany pśi Biodiversity Heritage Library, Online).
- ↑ GRIN Taxonomy for Plants. Genus: Knautia L.. W: Germplasm Resources Information Network. United States Department of Agriculture - Agricultural Research Service, Beltsville Area, wótwołana dnja 1. februara 2012 (engelšćina).
- ↑ Fischer et al.: Exkursionsflora, 2006.
- ↑ prědny źěl pó górnoserbskem mjenju Rólny hłowač
Žrědła
[wobźěłaś | žrědłowy tekst wobźěłaś]- Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, bok 489 (nim.)
- Rita Lüder: Grundkurs Pflanzenbestimmung. 5. nakład. Quelle & Meyer Verlag, Wiebelsheim 2011 (Tam jo informacija, až Kardengewächse (serbski drapalcowe rostliny) něnto słušaju k Geißblattgewächse (serbski kózylistowe rostliny).). (nim.)
Eksterne wótkaze
[wobźěłaś | žrědłowy tekst wobźěłaś]
Commons: Knautia – Zběrka wobrazow, widejow a audio-datajow