Wikipediya:Panc Ustıni

Prensibê bıngeyınê ke Wikipediya pê fealiyet kena, şenê panc "ustınan" de xulasa bê:

Wikipediya yew ensiklopediya.

Na xeylê ensiklopediyan, almanakan u gazeteranê bıngeyın u xısusiyan ana têhet.

Wikipediya yew kursiyê kuçey, yew platformê reklami, yew weşanê kıbıri, yew cerebnayışê de anarşiye ya zi demokrasiye, yew pêserkerdışê melumatanê raştameyan, ya zi yew rayberê torre niya. A yew qısebend, yew rocname, ya zi yew pêserkerdışê wesiqanê çımey niya, eke tayê proceyê Wikimedyayê bini bıbê zi.

Wikipediya be yew deqa vênayışiê bêterefi ra nuşiyena.

Ma meqalan rê seba wesiqan ğeyret kenime u deqa vênayışiê muhimi kenime areze, yew vengê bêterefi de be hurmet ra gıraniya ganiyiye danime ra qimetê dinan. Ma pawıtış ra dûri vındemi u ma melumat u mewzuyan sero munaqeşe ra zêde inan name kenime. Tayê cayan de beno ke tenya yew deqa vênayışiê rındzanıtey; ê binan de, ma yew ra zêde deqanê vênayışi, her yewi "raştiye" ya zi "vênayışo tewr rınd" ra vêşêri tam u zerreyê besti de tarif kenime. Heme meqalan de raştiya bawerbiyayiye rê ebe itımad, çımeyanê selahiyetdaran ra raye veciyayış, bılxasa mewzu ya zi yew keso cındeyo ke ixtılafıno, gani ğeyret bıbo. Yanê, çiyo ke cerrebnayışê şexsi, tefsir, ya zi vênayışê nuştoğan ra aid niyo.

Wikipediya be zerrey bêvayeya ke naye her kes şeno şunıkın kero, bıgureno, bıvurno u vıla kero.

Heta ke nuştoği pêro ruxsatê karê xo serbetane danê şari, nuştoğan ra qet kes wayirê yew meqaley niyo u her kes şeno iştırak kero u bıvurno u vıla kero. Labelê qanunanê heqa telifi rê hurmet kerê, u çımeyan ra çiyê metırê. Medyaya nêserbesta deyngırewtiye rê gegane zey gurenayışê adıli izıne diyena cı, ema verênde yew opsiyono serbest rê ğeyret kerê.

Sernuştoği gani be tewrê dê hurmetın u medeni ra yewbini de werênê.

Embazanê xoyê Wikipediyıcan rê hurmet kerê, hetta yew fıkır de mebê zi. Qaydeyanê terbiyaya Wikipediya bıgurenê, u hıcumo şexsi ra dûri vınderê. Yewiya fıkıri bıgeyrê, lecê vurnayışi mekerê, u arezekerdışê yew mesele sero Wikipediya qetiyen xırabe mekerê. Ebe niyeto rınd ra hereket bıkerê, u be nameyê binan ra niyeto rınd bıgêrê xo ser. Akerde u meymansin bê. Yew qewğa ke veciye, naye sero bêvengki pela werênayışia nêzdiye de werênê, qerarê ixtılafi teqip kerê, u biarê xo viri ke Wikipediyaya Zazaki de hewna 42,161 meqaleyê bini estê ke sero kar bıkeriyo u bıwerêniyo.

Wikipediya de qaydey şırketi çıniyê.

Qaydey u politikaya Wikipediya estê, labelê nê kemere sero hek nêbiyê; zerrek u tefsirê dinan şenê zeman miyan de raveri şêrê. Prensip u rohê dinan ifadey dinano ebedi ra zêdêr muhimê, u gegane raverberdışê Wikipediya rê yew istısna lazıma. Cesur bê, ema bêters mebê, rocanekerdışê meqalan u heqa xetakerdışi de işkence mekerê. Her versiyonê yew pela peyêne qeyd beno, wına her xeta şena be asaniye raşt keriyo.