Take That

Take That

Enghraifft o'r canlynol	band o fechgyn
Label recordio	CBS Records, BMG Rights Management
Dod i'r brig	1990, 2005
Dod i ben	1996
Dechrau/Sefydlu	1990
Genre	cerddoriaeth boblogaidd, ffwnc
Yn cynnwys	Robbie Williams, Howard Donald, Mark Owen, Gary Barlow, Jason Orange
Gwefan	https://takethat.com/
Ffeiliau perthnasol ar Gomin Wicimedia

Grŵp pop Seisnig ydy Take That. Aelodau'r grŵp yw Gary Barlow, Howard Donald, Jason Orange, Mark Owen, ac roedd Robbie Williams yn aelod gynt hefyd. Ar ôl llwyddiant ysgubol ar ddechrau tan ganol y 1990au fel grŵp pum aelod, ail-ffurfiwyd y band fel grŵp pedwar aelod yng nghanol y 2000au heb Williams.

Ffurfiwyd y band gan Nigel Martin Smith ym Manceinion ym 1990 a gwerthodd y band dros 30 miliwn o recordiau rhwng 1991–1996. Ers rhyddhau eu sengl cyntaf ym 1991 i'r cyfnod pan wahanodd y band ym 1996, disgrifiodd y BBC y grŵp fel "y band Prydeinig mwyaf llwyddiannus yn y Deyrnas Unedig ers The Beatles, sy'n apelio i'r hen a'r ifanc ar yr un pryd". Domineiddodd caneuon pop a chaneuon serch Take That y siartiau Prydeinig yn hanner cyntaf y 1990au, gan greu dwy o'r albymau a werthodd orau y degawd honno sef Everything Changes (a enwebwyd am Wobr Mercury ym 1994)^[1] a Greatest Hits yn 1996. Yn ôl Allmusic "roeddent yn serennau awr yn Ewrop ar y pryd, a'r unig gwestiwn oedd, nid a allent gael sengl llwyddiannus, ond faint ohonynt fuasai'n cyrraedd rhif un ar y siartiau."

Gwahanodd y band ym 1996, ond ar ôl rhaglen ddogfen yn 2005 a rhyddhau albwm o'u caneuon gorau, cyhoeddwyd yn swyddogol y byddent yn ail-ffurfio fel grŵp i wneud taith o amgylch y Deyrnas Unedig. Galwyd y daith yn The Ultimate Tour. Ar 9 Mai cyhoeddwyd bod Take That yn bwriadu recordio eu halbwm stiwdio cyntaf mewn dros deng mlynedd o'r enw Beautiful World. Aeth y band ymlaen i gynhyrchu taith arall yn 2007 sef The Beautiful World Tour, cyfres o gyngherddau a werthodd allan yn llwyr. Cafwyd ymateb cadarnhaol iawn wrth y beirniaid a dyma yw eu taith sydd wedi gwerthu orau hyd yn hyn.