Margaret John

Margaret John
Ganwyd	14 Rhagfyr 1926  Abertawe
Bu farw	2 Chwefror 2011  o canser yr afu  Abertawe
Dinasyddiaeth	Cymru
Alma mater	London Academy of Music and Dramatic Art
Galwedigaeth	actor llwyfan, actor ffilm

Actores o Gymraes oedd Margaret John (14 Rhagfyr 1926 – 2 Chwefror 2011). Pan yn blentyn, roedd hi eisiau bod y nyrs neu'n filfeddyg ond yn hytrach aeth i astudio yn London Academy of Music and Dramatic Art.^[1] Mwynhaodd John yrfa a barhaodd dros 50 mlynedd, gan ymddangos mewn rhai o raglenni teledu mwyaf poblogaidd Prydain, gan gynnwys Coronation Street, Dixon of Dock Green, Z-Cars, Doctor Who, Emmerdale, Last of the Summer Wine, Crossroads, Little Britain, a Gavin & Stacey.

Ymddangosodd ar y teledu hefyd mewn penodau o The First Lady, The Troubleshooters, Softly, Softly, The Mike Yarwood Show, Doomwatch, Blake's 7, Secret Army, Lovejoy, My Family, High Hopes, The District Nurse, Casualty, a Doctors. Chwaraeodd hefyd ran Mrs Stone yn nrama Radio 4, Linda Smith's A Brief History of Timewasting.

Ym Medi 2009, ymddangosodd mewn ffilm fer graffig Cow, gan y cyfarwyddwr Peter Watkins Hughes, yn rhybuddio am y peryglon o decstio tra'n gyrru.^[2]

Gwobrwywyd John gyda'r Wobr am Gamp Oes yn 18fed gwobrau BAFTA Cymru ar 17 Mai 2009, yng Nganolfan Mileniwm Cymru, mewn seremoni a westeiwyd gan Gethin Jones.^[3]

Yn 2009 ymddangosodd John yn The Vagina Monologues. Cyn y cyhyrchiad hwn, ei pherfformiad diwethaf yn y theatr oedd Medea yn Theatr Young Vic yn Llundain yn ystod y 1980au. Perfformiodd hefyd yn y cynhyrchiad o Calendar Girls yng Nghanolfan y Mileniwm, Caerdydd o 27 Gorffennaf tan 7 Awst 2010 ac yn Venue Cymru, Llandudno o 9 Awst tan 14 Awst 2010, gan gydweithio gyda Ruth Madoc.^[4]

Bu'r gŵr John yn feolinydd cyntaf gyda'r London Symphony Orchestra a perfformiodd gyda Frank Sinatra.^[5]

• 1960 How Green Was My Valley - Bronwen
• 1963 Suspense - tair rôl mewn tri pennod
• 1967 Z-Cars, "When Did You Last See Your Father?" - Betty Nutall
• 1968 Doctor Who - Megan Jones, cyfarwyddwr Euro Sea Gas, Fury from the Deep^[6][7]
• 1973 Seven of One, "I'll Fly You for a Quid" - Mrs Owen
• 1977 Last of the Summer Wine, Who Made a Bit of a Splash in Wales Then? (Pennod 26) - cariad Foggy
• 1978 Blake's 7, "The Way Back" - Arbiter
• 1991 Sherlock Holmes
• 1999–2008 - High Hopes, Mrs Elsie Hepplewhite
• 2005 Little Britain
• 2005 The Mighty Boosh, "Nanageddon" - Nanatoo
• 2006 Doctor Who, "The Idiot's Lantern" - Granny Connolly
• 2007 Run Fatboy Run - Nain Libby
• 2007–2010 - Gavin & Stacey
• 2010 Skins - Eunice
• 2010 Casualty
• 2010 Doctors
• 2011 Alys