Cynhadledd Quebec (1943)
 | |
| Enghraifft o'r canlynol | cynhadledd  |
|---|---|
| Dyddiad | 1943 |
| Gwlad |  UDA  Canada .svg){kind=small} Prydain Fawr |
| Dechreuwyd | 17 Awst 1943 |
| Daeth i ben | 24 Awst 1943 |
| Lleoliad | Québec |
| Gwladwriaeth | Canada |
 Ffeiliau perthnasol ar Gomin Wicimedia | |
Roedd Cynhadledd Quebec, a elwir hefyd wrth ei enw côd, Cynhadledd Quadrant, yn gynhadledd strategol filwrol gyfrinachol a gynhaliwyd yn ystod yr Ail Ryfel Byd gyda chyfranogiad llywodraethau o'r Deyrnas Unedig, Canada a'r Unol Daleithiau. Cynhaliwyd y gynhadledd yn ninas Quebec, Canada rhwng 17 - 24 Awst 1943.[1] Fe’i cynhaliwyd yng nghaer ddinesig y Château Frontenac. Y prif gyfranogwyr oedd Winston Churchill, Franklin D. Roosevelt a William Lyon Mackenzie King (Prif Weinidog Canada). Gwahoddwyd Stalin, arweinydd yr Undeb Sofietaidd, ond methodd â mynychu am resymau milwrol.[2]
Noder, y cynhaliwyd ail Gynhadledd Quebec ym mis Medi 1944.
Prif Ddeilliannau'r Gynhadledd
[golygu | golygu cod]Cytunodd Cynghreiriaid y Gorllewin i ddwysau bomio strategol ar yr Almaen a pharhau i adeiladu lluoedd yr Unol Daleithiau ym Mrydain cyn goresgyniad o Ffrainc. Ym Môr y Canoldir (ardal a ddenodd lawer o sylw gan Churchill), cytunwyd i ddefnyddio lluoedd mwy i orfodi'r Eidal allan o Gynghrair yr Echel a meddiannu'r wlad ac ynys Ffrengig Corsica.
Penderfynwyd y dylid cyfyngu gweithrediadau yn y Balcanau i gyflenwi'r symudiadau gwrthiant, tra dylid camu i fyny gweithrediadau yn erbyn Japan i ddisbyddu adnoddau Japaneaidd, torri eu llinellau cyfathrebu i ffwrdd a sicrhau canolfannau datblygedig i ymosod ar brif ynysoedd Japan.
Yn ychwanegol at y trafodaethau strategol a gyfathrebwyd i'r Undeb Sofietaidd a Chiang Kai-shek yn Tsieina, cyhoeddodd y gynhadledd hefyd farn ar y cyd ar Balesteina gyda'r nod o leihau tensiynau dros feddiannaeth Prydain yn dod yn fwyfwy annioddefol. Condemniodd y gynhadledd erchyllterau'r Almaen yng Ngwlad Pwyl hefyd.
Trafodwyd ymddygiad tuag at gynnigion heddwch yr Eidal hefyd. Cytunwyd i gadw at y galw am ildio diamod. Trafodwyd gweithrediadau dilynol ar gyfer Ymgyrch Husky a gwblhawyd yn ddiweddar, a daethpwyd i gytundeb i barhau â'r prosiect goresgyniad ar dir mawr yr Eidal.
Pwnc arall oedd rhaglen arfau niwclear Prydain (gair cod "Tube Alloys"). Yn y cyd-destun hwn, llofnodwyd Cytundeb Technoleg Niwclead Québec gan Roosevelt a Churchill, ac yn ôl hynny dylai ymchwilwyr Prydain a Chanada gymryd rhan ym mhrosiect Manhattan America.
Cytunwyd ar ddefnydd arfaethedig o Ynysoedd yr Azores ar gyfer cludo deunydd rhyfel o'r Unol Daleithiau i Brydain Fawr.[3]
Cynhaliwyd ail Gynhadledd Quebec ym mis Medi 1944.
Oriel
[golygu | golygu cod]-
Cynhadledd Gyntaf Quebec, 18 Awst 1943. -
-
-
Anthony Eden yn y Gynhadledd
Dolenni
[golygu | golygu cod]Cynadleddau Pwysig Eraill
[golygu | golygu cod]- Cytundeb Heddwch Paris, 29 Gorffennaf - 15 Hydref 1946
- Cynhadledd Potsdam, 17 Gorffennaf - 2 Awst 1945
- Cynhadledd Yalta, 4 - 11 Chwefror 1945
- Cynhadledd Quebec (1944), 12 - 16 Medi 1944
- Cynhadledd Tehran, 28 Tachwedd - 1 Rhagfyr 1943
- Cynhadledd Cairo (1943), 22 - 26 Tachwedd 1943
- Cynhadledd Quebec (1943), 17-24 Awst 1943
- Cynhadledd Casablanca, 14 - 24 Ionawr 1943
Cyfeiriadau
[golygu | golygu cod]- ↑ "Quebec City: 400 Years of History". Cyrchwyd 2013-01-23.
Canadian Prime Minister William Lyon Mackenzie King hosted Churchill and Roosevelt, but did not participate in the conferences.
- ↑ Dewaters, Diane K. (2008). The World War II Conferences in Washington, D.C. and Quebec City: Franklin D. Roosevelt and Winston S. Churchill. Arlington, Texas: University of Texas. t. 115.
- ↑ Online-Archiv der Universität Wisconsin (engl.), S. 85, abgerufen am 22. Dezember 2010