Bwrdeistref Harrogate

Bwrdeistref Harrogate

Math	ardal an-fetropolitan, bwrdeisdref
Ardal weinyddol	Gogledd Swydd Efrog
Prifddinas	Harrogate
Poblogaeth	160,533
Sefydlwyd	1 Ebrill 1974
Gefeilldref/i	Bagnères-de-Luchon, Harrogate, Dinas Wellington
Daearyddiaeth
Sir	Gogledd Swydd Efrog (Sir seremonïol)
Gwlad	Lloegr
Arwynebedd	1,307.9468 km²
Cyfesurynnau	53.9903°N 1.5411°W
Cod SYG	E07000165
Gwleidyddiaeth
Corff deddfwriaethol	council of Harrogate Borough Council
Ffeiliau perthnasol ar Comin
[golygwch ar Wicidata]

Ardal an-fetropolitan a bwrdeistref yng Ngogledd Swydd Efrog, Swydd Efrog a'r Hwmbr, Lloegr, yw Bwrdeistref Harrogate.

Mae gan y fwrdeistref arwynebedd o 1,308 km², gyda 160,831 o boblogaeth yn ôl amcangyfrif cyfrifiad 2019.^[1] Mae’n ffinio Ardal Hambleton i’r gogledd-ddwyrain, Dinas Efrog i’r dwyrain, Ardal Selby i’r de-ddwyrain, Gorllewin Swydd Efrog i’r de, Ardal Craven i’r gorllewin, a Richmondshire i’r gogledd-orllewin.

Ffurfiwyd y fwrdeistref dan Ddeddf Llywodraeth Leol 1972, ar 1 Ebrill 1974. Roedd yn gyfuniad o ardaloedd gwledig Masham a Wath, a rhan o Ardal Gwledig Thirsk, a oedd yn Riding Gogleddol Swydd Efrog, ynghyd â bwrdeistrefi Harrogate a dinas Ripon, ardal trefol Knaresborough, Ardal Gwledig Nidderdale, Ardal Gwledig Ripon a Pateley Bridge, rhannau o Ardal Gwledig Wetherby ac Ardal Gwledig Wharfedale, a oedd i gyd yn Riding Gorllewinol Swydd Efrog. Ar 1 Ebrill 1996, trosglwyddwyd y pedwar plwyf Nether Poppleton, Upper Poppleton, Hessay a Rufforth i awdurdod unedol newydd Dinas Efrog.

Mae pencadlys cyngor y fwrdeistref yn nhref Harrogate. Mae aneddiadau eraill yn yr ardal yn cynnwys dinas Ripon a threfi Knaresborough, Boroughbridge, Pateley Bridge a Masham. Mae’r fwrdeistref yn cynnwys dyffryn Nidderdale, yn ogystal â rhannau o Froydd Mowbray ac Efrog.

• Amgueddfa Rufeinig Aldborough
• Abaty Fountains
• Prifeglwys Ripon
• Castell Knaresborough
• Castell Ripley
• Castell Spofforth
• Gwaun Marston
• Devil's Arrows