Bussang

Bussang

Math	cymuned, cyrchfan sgïo
LL-Q150 (fra)-Poslovitch-Bussang.wav
Poblogaeth	1,320
Daearyddiaeth
Ardal warchodol	Ballons des Vosges Regional Natural Park
Arwynebedd	27.63 km²
Uwch y môr	568 metr, 1,221 metr
Gerllaw	Afon Moselle
Yn ffinio gyda	Le Ménil, Saint-Maurice-sur-Moselle, Ventron, Fellering, Urbès, Fresse-sur-Moselle
Cyfesurynnau	47.8856°N 6.8536°E
Cod post	88540
Swydd pennaeth   y Llywodraeth	Maer Bussang
Ffeiliau perthnasol ar Comin
[golygwch ar Wicidata]

Mae Bussang yn gymuned yn Département Vosges yn Rhanbarth Dwyrain Mawr, Ffrainc. Mae'n un o'r 189 o gymunedau sydd ym Mharc Naturiol Rhanbarthol Ballons des Vosges^[1]. Mae wedi'i leoli yn ne-ddwyrain Lorraine, ar ffiniau Alsace, ac yn sefyll ar lan yr afon Moselle. Amgylchir y  gymuned gan nifer o goedwigoedd.

Mae’r gymuned yn nodedig am ei ffynhonnau o ddyfroedd mwynol ac am ei lethrau sgïo. 

Mae Bussang wedi bod yn enwog am ei ffynhonnau o ddyfroedd mwynol ers y 17g pan ddechreuodd dugiaid Lorraine ymweld â nhw. Trodd yn dref sba poblogaidd yn 19g. Mae yna 4 ffynnon yn y gymuned: y Salmade mawr y Salmade bach, les Demoiselles a’r source Marie. Mae’r dŵr yn uchel ei gynnwys o haearn a gan hynny yn cael ei ystyried yn llesol i’r sawl sy’n dioddef o anemia.

Wedi dioddef difrod yn yr Ail Ryfel Byd dechreuodd llif tri o’r ffynhonnau arafu a phenderfynwyd eu cau ym 1958 gan fod y llif isel wedi achosi halogiad bacteriol, dim ond y source Marie sydd wedi goroesi. Mae gan awdurdodau’r gymuned cynlluniau i ail adeiladu'r diwydiant dyfroedd mwynol trwy dyllu am ffynhonnell newydd ar fynydd Charat.

• 
  Source Marie
• 
  Tap y source Marie
• 
  Hysbyseb o 1909

Mae’r Moselle yn afon 560 km o hyd sy’n llifo trwy Ffrainc, Lwcsembwrg a’r Almaen.

Honnir bod ffynnon a leolir  731 metr uwchben lefel y môr ger Bussang yw ffynhonnell yr afon. Mewn gwirionedd mae’r afon yn cael ei ffurfio trwy undeb nifer o nentydd ar lethrau'r Grand Drumont, rhai ohonynt dros 1,000 metr o’r ffynhonnell swyddogol.

• 
  Ffynhonnell y Moselle
• 
  Yr afon Moselle ger Cochem, yr Almaen

Crëwyd Theatr y Bobl gan Maurice Pottecher ym 1895. Wedi ei hadeiladu o bren, mae gan y theatr nodwedd neilltuol, sef bod modd agor wal cefn y llwyfan, gan gynnig golygfa o’r mynyddoedd fel cefndir naturiol i berfformiadau. Cofrestrwyd y theatr fel heneb o bwys hanesyddol ar 2 Awst 1976^[2].

• 
  Maurice Pottecher, sylfaenydd Theatr y bobl
• 
  Tu mewn i'r theatr
• 
  Cefn y llwyfan ar agor
• 

Carreg coffa er cof am y sawl a saethwyd yn Vosages am wrthsefyll yn erbyn y Natsïaid ym mis Medi a Hydref 1944. Mae ger y ffordd sy'n disgyn o'r col de Bussang i Urbes.

Mae gan Bussang

• 8 llethr sgïo alpaidd, 42 canon eira a bryn neidio sgïo yn gyda 4 lifft llusgo
• 3 llwybr sgïo alpaidd
• Llwybr sgïo draws wlad ger Larcenaire
• Bryn sgïo o 50m yn La Bouloie
• Llethr tobogan 

• Cymunedau Vosges

• INSEE

Eginyn erthygl sydd uchod am Ffrainc. Gallwch helpu Wicipedia drwy ychwanegu ato.