Anita Desai

Anita Desai
Ganwyd	24 Mehefin 1937  Mussoorie
Dinasyddiaeth	India
Alma mater	Prifysgol Delhi Miranda House
Galwedigaeth	llenor, nofelydd, academydd, awdur storiau byrion
Cyflogwr	Coleg Mount Holyoke Prifysgol Smith, Massachusetts Sefydliad Technoleg Massachusetts
Adnabyddus am	Fire on the Mountain
Plant	Kiran Desai
Gwobr/au	Padma Bhushan in literature & education, Gwobr Padma Shri mewn Llenyddiaeth ac Addysg, Cymrawd o'r Gymdeithas Frenhinol a Llenyddol, Gwobr Sahitya Akademi, Gwobr Goffa Winifred Holtby, Gwobr y Guardian am waith Ffeithiol i Blant, Gradd er anrhydedd o Brifysgol Leeds
llofnod

Awdures Indiaidd yw Anita Desai (ganwyd 24 Mehefin 1937) sy'n cael ei hystyried yn nodigedig am ei gwaith fel awdur, nofelydd, academydd ac awdur storiau byrion. Fel awdur mae hi wedi cyrraedd y rhestr fer ar gyfer Gwobr Booker deirgwaith. Derbyniodd Wobr Sahitya Akademi yn 1978 am ei nofel Y Tân ar y Mynydd, o 'Akademi Sahitya', Academi Llythyrau Genedlaethol India. Enillodd wobr y 'Guardian Prydeinig' am ei nofel Y Pentref ar Lan y Môr.^[1]

Fe'i ganed yn Mussoorie, India ar 24 Mehefin 1937 mewn cartref pedair-ieithog: yr Almaeneg, Bengali, Wrdw, Hindi a Saesneg y tu allan i'r cartref. Almaenes oedd ei mam, Toni Nime, a dyn busnes oedd ei thad. Nid ymwelodd â'r Almaen tan oedd yn oedolyn. Dechreuodd ysgrifennu Saesneg yn saith oed a chyhoeddodd ei stori gyntaf yn naw mlwydd oed.^[2][3][4][5]

Bu'n fyfyriwr yn Ysgol Uwchradd y Frenhines Mary yn Delhi a derbyniodd ei B.A. mewn llenyddiaeth Saesneg ym 1957 o Brifysgol Delhi. Yn 1958 priododd Ashvin Desai, cyfarwyddwr cwmni meddalwedd cyfrifiadurol ac awdur y llyfr Between Eternities: Ideas on Life a The Cosmos. Mae ganddynt bedwar o blant, gan gynnwys y nofelydd arobryn Gwobr Booker, Kiran Desai. Aethant â'u plant i Thul (ger Alibagh) am wyliau ar benwythnosau, lle gosododd Desai ei nofel The Village by the Sea. ^[6][7]

Yn 2019 roedd yn parhau yn ei swydd fel athro'r dyniaethau yn y Massachusetts Institute of Technology.

Bu'n aelod o Gymdeithas Frenhinol Llenyddiaeth, Academi Celfyddydau a Llythyrau America am rai blynyddoedd.

Yn 1993, addaswyd ei nofel In Custody gan Merchant Ivory Productions i'r Saesneg, dan gyfarwyddyd Ismail Merchant, gyda sgript y ffilm gan Shahrukh Husain. Enillodd y ffilm Fedal Aur 1994 ar gyfer yr actorion: Shashi Kapoor, Shabana Azmi ac Om Puri.

• Dros y blynyddoedd, derbyniodd nifer o anrhydeddau, gan gynnwys: Padma Bhushan in literature & education (2014), Gwobr Padma Shri mewn Llenyddiaeth ac Addysg (1989), Cymrawd o'r Gymdeithas Frenhinol a Llenyddol, Gwobr Sahitya Akademi (1978), Gwobr Goffa Winifred Holtby (1977), Gwobr y Guardian am waith Ffeithiol i Blant (1983), Gradd er anrhydedd o Brifysgol Leeds^{[8][9][10][11]} .