Vighjanu

Vighjanu hè u nome d'una pieve di Corsica à u Medievu. Facia parte di u vescuvatu d'Aiacciu.

U territoriu di a pieve di Vighjanu currisponde à e cumune attuale di :

• Vighjaneddu
• Santa Maria Ficaniedda
• Fuzzà
• Arbiddali
• Prupià.

Ci sò state duie chjese pievane d'appressu à Geneviève Moracchini-Mazel^[1]. Ci saria statu prima una chjesa prerumana, San Ghjuvanni Battista, in Vighjaneddu. Si ponu sempre vede e ruvine di sta chjesa, à 15 minuti di marchja da l'ottellu di Baraci, à i lochi chjamati Pieve è San Ghjuvanni.

Dopu ci saria stata un'altra chjesa pievana, Santa Maria Assunta, nant'à a cumuna di Santa Maria Ficaniedda. Questa si pò sempre vede. Hè di stile rumànicu. Hè stata classata munumentu storicu in u 1927.

Lista di e pieve di Corsica

1. ↑ Geneviève Moracchini-Mazel in Les Églises Romanes de Corse, Klincksieck, CNRS - Paris, 1967.