Labellu

U labellu (o labeddu) hè una parte di u fiore di l'orchidee. U termine deriveghja da a parolla latina labellum, diminutivu di labrum (labbru). Si tratta d'un petalu mudificatu di u quale l'aspettu s'assumiglia à un tipu d'insetti impullinatori. U labellu hà forma, dimensione è culore chì differiscenu di manera impurtante in e diverse spezie. In certe spezie u labellu simuleghja à a perfizzione l'addome di a femina di l'insettu impullinatore.