distro

Savet diwar ar rakger « dis- » hag an anv-kadarn « tro ».

Anv-gwan

distro /ˈdistro/; liester : distroioù.

1. Deuet en-dro.
   • Setu te distro eta, ma merc'h? — (Fañch an Uhel, Kontadennoù ar Bobl/3, Al Liamm, 1988, p. 109.)
   • Dioc'h ma lavar, e vezo distro a-benn emberr da noz, pe warc'hoaz vintin da zivezata. — (G. MILIN, Gwechall-goz e oa..., Kemper, 1924, p. 34.)
   • A-benn koan e vezi distro, mechañs ? — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 3.)
2. Bezañ distro da ul lec'h bennak.
   • Distro d’he gampr an Aoutrou de la Marche a c’houlennaz ... petra en doa da ober. — (Lan Inizan, Emgann Kergidu 1, Brest, 1877, eil emb. Al Liamm 1977, p. 18.)
   • Abarz an deiz pep hini a zo distro d’he gear ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 79.)
   • Evit gwir, pa voen distro da Londrez, em boe, evit va lod, ouzhpenn dek lur hanter a boultr aour... — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 9.)
   • distro d'ar gêr
3. Bezañ distro eus ul lec'h bennak.
4. (Diwar-benn ul lec'h:) dizarempred, ma vez an den en e-unan.
   • Ar gouent-ma a ioa enn eur vro c’houez hag enn eul leac’h distro, hag ann dra-ze a blije muioc’h d’ar Zant. Buez ar Zent 1894/708
   • [...] ; en eur gêriadennig distro e vevent « dizoursi-bras ha dinec'h », didrouzik hag eurus. — (Ivon Krog, Eur Zac'had Marvailhou, Buhez Breiz, Kemper, 1924, p. 122.)
   • Eur wech e oa en eun ti bihan ru distro, pell deus a Vreiz-Izel, [...]. — (Erwan ar Moal, Pipi Gonto, Kemper, 1925, p. 104.)
   • Jakob, gwechall, kuitaet gantañ ti he dad ha douar e vro, en em gavas, goude kuzh-heol, en un takad distro. — (Sarmoniou an Aotrou Quere, dastumet ha renket gant an Ao. Jezegou, Kastellin, 1906, p. 76.)
5. korn distro : privezioù
   • Klask ur c'horn distro. Mont d'ar c'horn distro.
6. tro-distro
7. bezañ war e zistro : war an oad
8. en distro : en eskemm
   • « — [...]... Met, pôtr, kred ac'hanon, emean d'ar c'hilhog, karantezusoc'h e vefont ez kever, en distro, gonidek; pep-hini anê a raio d'it ar pecherou ar re domma... [...] !... — (Fañch al Lae, Bilzig, Kemper, 1925, p. 50.)

• dibleustr
• dizarempred

deuet en-dro (1)

• galleg : de retour ^(fr)
• saozneg : back ^(en)

lec'h ma vez an den en e-unan (2)

• galleg : désert ^(fr) , solitaire ^(fr) , abandonné ^(fr)

Anv-kadarn

distro /ˈdistro/ gourel pe benel (liester distroioù)

1. Obererezh dont en-dro d'ul lec'h bennak.
   • An Distro eus a Vro-Saoz — (An Distro eus a Vro-Saoz, er Barzhaz Breizh.)
   • Distro ul lizher d'e gaser.
   • Kenavo an distro !
2. distro an tre: deroù an tre
3. distro al lanv: deroù al lanv
4. reiñ un distro divalav, lous, da ub : kas an dorzh d'ar gêr
5. kaout distro, un distro

• distreiñ
• dizreiñ

• kenavo an distro
• kenavo hep distro

• galleg : retour ^(fr)
• saozneg : return ^(en)