Neandertal

Ar stêr Düssel	Etrezek traoñienn Neander

An Neandertal en alamaneg, "traoñienn Neander", zo un draoñienn vihan ma red ar stêr Düssel er Stad alaman Nordrhein-Westfalen, un 12 km er reter da gêr Züsseldorf. Rannet eo an draoñienn etre kumunioù Erkrath ha Mettmann. E 1856 eo e teuas al lec'h da vout brudet pa voe dizoloet Neanderthal 1, kentañ Homo neanderthal.

Dont a ra anv an draoñienn (tal) eus hini Joachim Neuman (1650-1680), ur pastor hag a zeue di alies, hag en doa gresianekaet e anv e Neander.

Ar vougev, das Gesteins en alamaneg, hag a voe anvet Neanderhöhle diwezhatoc'h, a oa brudet he c'hened : pleustret e veze kenañ abaoe digoradur an hent-houarn etre Düsseldorf hag Elberfeld e 1871.

Eskern a voe kavet er vougev, ha roet e voent da Johann Carl Fuhlrott en Elberfeld, hag a lavaras e oant re un den koshoc'h eget an hini modern, a voe graet Den Neandertal anezhañ, pe Homo neanderthalensis e latin, abalamour da vougev Neander.

Daou zoare zo da skrivañ anv an draoñienn : Neandertal eo a gaver er geriadurioù hiziv, met chomet eo an doare kozh Neanderthal, evel ma veze a-raok kempenn ar skritur e 1901, war ar porzh-houarn hag ar mirdi. An doare kozh-se eo a gaver en anv skiantel an Homo neanderthalensis met Den Neandertal a skriver bremañ.