Kelted Italia

Pobloù kelt ledenez Italia a oa a orin galian, hervez ar skridoù latin, nemet n'eo ket meneget enno a belec'h e teuent. Pobloù kelt a oa en hanternoz al ledenez adal ar VIIvet kantved kent J.K. (skouer sevenadur Golasecca), met aloubadegoù ar IVvet kantved kent J.K. a roas tro dezho da vestroniañ traoñienn ar Po : darn eus ar C'halianed-se a lakaas seziz war Roma war-dro 390 kent JK.

An holl bobladoù-se ne chomjont ket en Italia, met re Galia gizalpat a oa deuet eus ar pobloù pe kevredadoù pobloù a oa krog da zivroañ hag a oa rannet : Boied all, da skouer, a roas o anv da Vohemia.

Galianed Italia a gase goprsoudarded da vrezeliñ e brezelioù an Henamzer en III^e kantved kent JK, a-raok ma voent trec'het gant Roma a-raok fin ar c'hantved^[1].

Ret eo ober ar c'hemm etre ar pobloù diazezet er c'hreisteiz d'ar Po, a voe levezonet bras gant ar pobloù italek, hag ar pobloù diazezet en hanternoz d'ar Po, tostoc'h da bobloù Galia treuzalpat, a vire o sevenadur keltiek.

Pobloù er c'hreisteiz d'ar Po

• Boied (Bologna)
• Lingoned (Proviñs Ferrara)
  • Senoned (tost d'ar b-Pikened, e Marche hag Emilia-Romagna)

Pobloù en hanternoz d'ar Po

• Kenomaned (Cenomani)
• Insubri

Pobloù bihanoc'h en hanternoz d'ar Po

Marteze e oant diazezet a-goshoc'h, pe sujet d'an Insubred.

• Komasked
• Laevi
• Libici
• Marici
• Orobianed (Orobii, Orumbovii)
• Salassed (Salassi)
• Salyaned (Salluvii) (marteze un darempred dianav gant Salyaned an Narbonnensis, hogen dianav),
• Vertamokored (Vertamocorii) (marteze un darempred bennak gant ar Vercors, hogen dianav),

A-raok an III^de kantved

• Anared
• Leponted (Lepontii)
• Karned