Implijer:Lekemok/IndyCar2020

An NTT IndyCar Series 2020 a vo 25vet bloaz an IndyCar Series ha 99vet kevezadeg ofisiel ar redadegoù rodoù-digor amerikan. Josef Newgarden eo ar c'hampion en titl tra m'eo Honda ar saver kampion en titl. Ar bloaz kentañ dindan ren Penske eo abaoe m'eo bet prenet ar gevezadeg gantañ e fin 2019.

• D'ar 24 a viz Mae 2019 e voe disklêriet gant an IndyCar Series e vije staliet ur warezadenn kokpit a vesk asambles an Aeroscreen hag an Halo a vez implijet e Formulenn 1 adalek 2020. Savet gant Red Bull Advanced Technologies e vo ar warezadenn-se asambles gant Dallara. Klask a raed gwellaat surentez ar vlenierien gant ur sistem a lakaio tammoù torret da vezañ kaset kuit eus penn ar vlenierien^[1].
• D'an 3 a viz Du 2019 e voe embannet en doa prenet Roger Penske, perc'henner Team Penske an Indianapolis Motor Speedway hag an IndyCar evel kevezadeg. Embann a reas Penske ne vije ket strategour leun-amzer evit e skipailh ken^[2] Echuet e voe pep tra d'ar 6 a viz Genver 2020. Penske ne voe ez-ofisiel nemet ar pevare perc'henner eus an Indianapolis Motor Speedway, ar wezh kentañ abaoe 1946 e vije cheñchet perc'henner gant an troiad^[3].

Embannet e oa bet e redje ar skipailhoù hag ar vlenierien da heul en NTT IndyCar Series 2020. An holl a implijo ar c'hastell-karr Dallara IR18 gant ar memes kit aero hag ar memes bandennoù-rod Firestone. Kemmañ a c'hell al listennad-se ober c'hoazh dre ma n'eo ket echuet ar bloaz hag abalamoir d'ar bedreuziad kurunvirus.

Skipailh	Keflusker	N°.	Blenier(ien)	Redadeg(où)
A. J. Foyt Enterprises	Chevrolet	4	Charlie Kimball[4]	Holl
		14	Tony Kanaan[5]	1, 5–6, 8–9
			Dalton Kellett[6]  R	2–4, 7, 11–13
			Sébastien Bourdais[6]	10, 14
		DVL	Dalton Kellett[6]  R	8
Andretti Autosport	Honda	26	Zach Veach[7]	Holl
		27	Alexander Rossi[8]	Holl
		28	Ryan Hunter-Reay[9]	Holl
		29	James Hinchcliffe[10]	1–2, 8
Andretti Harding Steinbrenner Autosport		88	Colton Herta[11]	Holl
Andretti Herta Autosport w/ Marco Andretti & Curb-Agajanian		98	Marco Andretti[12]	Holl
Arrow McLaren SP[13]	Chevrolet	5	Patricio O'Ward[14]	Holl
		7	Oliver Askew[14]  R	Holl
		66	Fernando Alonso[15]  R [N 1]	8
Carlin	Chevrolet	31	DVL[N 2]	2–14
		59	Conor Daly[16]	1, 5–6, 9
			Max Chilton[17]	2–4, 7–8, 10–14
Chip Ganassi Racing	Honda	8	Marcus Ericsson[18]	Holl
		9	Scott Dixon[19]	Holl
		10	Felix Rosenqvist[18]	Holl
Dale Coyne Racing with Team Goh	Honda	55	Álex Palou[20]  R	Holl
Dale Coyne Racing with Vasser-Sullivan		18	Santino Ferrucci[21]	Holl
DragonSpeed[22]	Chevrolet	81	Ben Hanley[N 3][23]	8
Dreyer & Reinbold Racing[24],[25]	Chevrolet	24	Sage Karam[26]	DVL
		DVL[N 4]	DVL	DVL
Ed Carpenter Racing	Chevrolet	20	Ed Carpenter	1, 5–6, 8–9
			Conor Daly[27]	2–4, 7, 10–14
		21	Rinus VeeKay[28]  R	Holl
		47[29]	Conor Daly[27]	8
Meyer Shank Racing[30]	Honda	60	Jack Harvey	Holl
Rahal Letterman Lanigan Racing[31]	Honda	15	Graham Rahal[32]	Holl
		30	Takuma Sato[33]	Holl
Rahal Letterman Lanigan Racing with Citrone/Buhl Autosport[34],[35]		45	Spencer Pigot	2, 8
Team Penske	Chevrolet	1	Josef Newgarden[36]	Holl
		3	Hélio Castroneves[37],[38]	8
		12	Will Power[36]	Holl
		22	Simon Pagenaud[39]	Holl
Top Gun Racing[40]	DVL	99	RC Enerson  R	8

• Embannet e voe gant ar skipailh Formulenn 1 McLaren Racing d'ar 1añ a viz Eost 2019 e redje leun-amzer er gevezadeg 2020 ar gevred gant Arrow Schmidt Peterson Motorsports dindan an anv Arrow McLaren Racing SP.^[13] Daou vlenier leun amzer a vo^[41] Abalamour d'an dra-se e voe echu gant ar c'hevrad gant Honda evit leuskel Chevrolet da bouyrveziñ ar skipailh Schmidt Peterson Motorsports.^[13] Embannet e voe d'ar 25 a viz Here ul logo evit ar skipailh nevez hag ofisielaet an anvArrow McLaren SP^[42].
• D'ar 21añ a viz Gwengolo 2019 e voe embannet gant Andretti Autosport e vije lakaet da redek ur pempvet oto evit Colton Herta dindan an anv Andretti Harding Steinbrenner Autosport, a-gevred gant Mike Harding ha George Michael Steinbrenner IV diwar ludu ar skipailh-bet Harding Steinbrenner Racing^[43].
• D'an 2 a viz Du 2019 e voe disklêriet gant Meyer Shank Racing, ur skipailh en doa redet darn-amzer e 2017, 2018, ha 2019, ez aje war-zu ur programm leun-amzer e 2020 gant Jack Harvey. Dalc'het e voe ar c'heflusker Honda hag ur c'hevrad teknikel a voe sinet gant Andretti Technologies goude daou vloaz a gevrad gant Schmidt Peterson Motorsports^[44].
• D'an 19 a viz Kerzu 2019 e voe embannet gant Dale Coyne Racing ur c'hevrad gant trec'hourien 24 eurvezh ar Mañs 2004 Team Gohda lakaat Álex Palou da redek a-hed ar bloaz.^[20]
• D'ar 24 a viz Kerzu 2019 e voe embannet gant DragonSpeed un deiziadur ennañ c'hwec'h redadeg e 2020, en o zouez ar 104 Indianapolis 500. Goude ma oa bet soñjet redek gant blenier 2018 Ben Hanley^[45] ne voe roet anv blenier ebet en embannadenn miz Kerzu.^[22] D'an 13 a viz Genver 2020 e voe embannet e vleinje Hanley evit redadeg gentañ ar gevezadeg e St. Petersburg.^[46] D'an 20 a viz Mae 2020 e voe skrivet gant David Malsher-Lopez eus Motorsport.com edo DragonSpeed o prederiañ war e zeiziadur en IndyCar evit komañs d'an Indianapolis 500, ar redadegoù ouzhpenn o vezañ dalc'h o enrolladur e kevezadegoù all (European Le Mans Series ha WeatherTech SportsCar Championship).^[23]
• D'ar 7 a viz Genver 2020 e voe lavaret gant Dreyer & Reinbold Racing da RACER e oant o vont da astenn o frogramm a beder redadeg e 2020. Ar perc'henner Dennis Reinbold a embannas e tistroje Sage Karam gant ar skipailh e 2020, hep lavaret evit ped a redadeg na pere.^[24] D'an 10 a viz Genver e voe resisaet gant Reinbold o komz d'ar gelaouenn IndyStar e vleinje Karem e St. Petersburg, Indianapolis, ha Toronto.^[26]
• D'ar 21añ a viz C'hwevrer 2020, Citrone/Buhl Autosport, ur c'hevrad etre Nick ha Robert Citrone ha Tom ha Robbie Buhl, a embannas o c'hoant da vont a-gevred gant ur skipailh a oa anezhañ c'hoazh evit redek en IndyCar Series er GMR Grand Prix ha klask titliñ en Indianapolis 500 2020. D'ar 27 a viz C'hwevrer 2020 e embannas Rahal Letterman Lanigan Racing ur c'hevrad gant Citrone/Buhl Autosport da lakaat Spencer Pigot da vleniañ o oto er GMR Grand Prix hag en Indianapolis 500^[47].
• D'an 2 a viz Even 2020 e voe disklêriet gant Carlin ne redo ket o oto N°. 31 en Texas abalamour da gudennoù arc'hant^[48].

• D'an 8 a viz Here 2019 e voe embannet gant Chip Ganassi Racing e redo Marcus Ericsson ganto, o vont kuit eus Arrow Schmidt Peterson Motorsports da vleniañ an oto N°. 8 e 2020^[49].
• D'an 28 a viz Here 2019 Arrow McLaren SP e leuskas James Hinchcliffe da vont ha sinañ kampion 2019 Indy Lights Oliver Askew ha blenier bet Carlin ha kampion 2018 Pato O'Ward evit an eil oto.^[14]
• D'ar 15 a viz Du 2019 e tisklêrias Ed Carpenter Racing ne redo ket Spencer Pigot ganto e 2020^[50] D'an 20 a viz Du e embannas ECR en doa sinet Rinus VeeKay da redek gant an N°. 21 leun-amzer^[51].
• D'an 22 a viz Du 2019 e voe gouezet ne zistroio ket Sébastien Bourdais da redek gant Dale Coyne Racing gant Vasser-Sullivan abalamour d'un ezhomm arc'hant.^[52] D'ar memes deiz e lavaras Bourdaos ne redo ket en IndyCar e 200 dre m'en doa sinet evit bleniañ gant JDC-Miller Motorsports er gevezadeg WeatherTech SportsCar 2020^[53]. D'an a viz Genver 2020 e embannas ar skipaulh e cheñcho Santino Ferrucci, a vlenie an N°. 19 evit Dale Coyne Racing e 2019, oto evit bleniañ en N°. 18 e lec'h Bourdais.^[21]
• D'an 9 a viz Kerzu 2019 e embannas Ed Carpenter Racing e redo Conor Daly ar redadegoù war troiadoù-hent pe kêr en oto N°. 20 sponsorizet gant United States Air Force, dezhañ da vleniañ un tede oto en Indianapolis 500.^[27] Erlec'hiañ a raio Ed Jones a vlenio gant Audi Sport Team WRT en DTM e 2020.^[54] Daly a redo ivez an holl redadegoù oval all gant Carlin en N°. 59, e-lec'h Max Chilton en doa c'hoant da chom a-sav gant ar redadegoù oval e 2019^[55].
• D'an 22 a viz Genver 2020 e voe anvet Charlie Kimball gant A. J. Foyt Enterprises da vleniañ o N°. 4, dezhañ da zistreiñ da vleniañ leun-amzer goude ur bloavezh darn-amzer gant Carlin e 2019.^[4]
• D'an 29 a viz Genver 2020 e lavaras Tony Kanaan e vije 2020 e vloavezh diwezhañ evel blenier pennañ en IndyCar. Redek a raio ar c'hwec'h redadeg oval gan an N°. 14 evit A. J. Foyt Enterprises.^[5] D'ar 4 a viz C'hwevrer 2020 e voe kadarnaet gant A. J. Foyt Enterprises e vije rannet an N°. 14 en troiadoù-hent pe kêr etre Sébastien Bourdais ha Dalton Kellett. Kellett a redo trede oto ar skipailh en Indianapolis 500 ivez^[56].
• D'ar 5 a viz C'hwevrer 2020 e voe embannet gant Team Penske e krogo ar c'hampion en titl e Supercars Scott McLaughlin (a vlein evit ar skipailh Supercars ken-berc'hennet gant Penske) gant ar redadegoù IndyCar er GMR Grand Prix e troiad diabarzh Indianapolis. Hélio Castroneves, en doa bleniet ur pevare oto Penske en div redadeg en Indianapolis e 2018 ha 2019, ne redo an Indianapolis 500 2020 nemetken evit Penske^[57] D'ar 27 a viz Meurzh 2020 e voe lavaret ne c'hello ket McLaughlin kregiñ da redek er GMR Grand Prix abalamour ma oa bet daleet ar redadeg. Ne ouezer ket hag-eñ e redo e redadegoù all^[58].
• D'an 19 a viz C'hwevrer 2020 e voe embannet gant Andretti Autosport e redo James Hinchcliffe teir redadeg en oto N°. 29 sponsorizet gant Genesys. Redek a raio ar GMR Grand Prix, an Indianapolis 500 hag ar Genesys 300.^[10]
• D'ar 25 a viz C'hwevrer 2020 e embannas Fernando Alonso, en doa kemeret perzh en Indianapolis 500 e 2017 hag en doa klasket titlañ en Indianapolis 500 gant McLaren e 2019, e redo gant Arrow McLaren SP en Indianapolis 500 2020.^[15]
• D'an 10 a viz Meurzh 2020 e embannas Carlin e raio Felipe Nasr, a red leun-amzer gant Action Express Racing er gevezadeg WeatherTech SportsCar, e zisparti kentañ en IndyCar e St. Petersburg^[59].

17 redadeg en deiziadur 2020 a voe embannet da gentañ d'ar 1añ a viz Gwengolo 2019; ne oa nemet ur cheñchamant e-keñver deiziadur an IndyCar Series 2019 gant Pocono o reiñ plas da Richmond Raceway, un troiad ne oa ket bet gwelet abaoe 2009.^[60] Abalamour d'ar bedreuziad COVID-19 e voe nullet seizh redadeg (en o zouez ar redadeg-zoubl e Detroit), teir a voe addeiziataet ha teir redadeg a voe lakaet ouzhpenn. Kemmañ a c'hello an deiziadur-se ober c'hoazh dre m'eo cheñch-dicheñch an traoù er mare-mañ.

Ar bedreuziad COVID-19 e Norzh-Amerika hag ar reolennoù-surentez bet lakaet e plas e-keñver bodañ tud ha labourioù diret o deus bet ul levezon war an abadennoù sport. Daleet e voe ar bloaz en IndyCar da nebeutañ da viz Even 2020 ha nullet e voe meur a redadeg.

D'an 12 a viz Meurzh 2020 e voe embannet e vije redet ar redadeg gentañ, St. Petersburg hep arvesterien gant an implijidi ret nemetken^[68] Evelato e voe embannet an deiz war-lerc'h e oa nullet ar redadeg evel holl redadegoù miz Ebrel. Klasket e voe komañs ar bloaz gant redadegoù "Miz Mae" en Indianapolis, ar wezh kentañ abaoe 1957^[69].

D'ar 26 a viz Meurzh e voe embannet gant an IndyCar e vije daleet ar GMR Grand Prix hag an Indianapolis 500 d'ar 4 a viz Gouere ha d'an 23 a viz Eost, a hini diwezhañ da vezañ redet d'ar memes dibenn-sizhun hag ar Brickyard 400 en NASCAR, ar wezh kentañ neuze d'an Indianapolis 500 bezañ redet er-maez eus miz Mae. Redadeg Detroit a gomañsje ar bloaz tra ma klasked lakaat redadeg St. Petersburg en deiziadur en-dro^{[70],[71],[72]}.

D'ar 6 a viz Ebrel e voe embannet gant an IndyCar e oa nullet Priz Bras Detroit abalamour d'ar c'hraouiañ bet lakaet e plas gant Michigan ha dre ma vije dibosupl deiziata ar redadeg adarre dre ma oa re a zarvoudoù raktreset e Belle Isle^[73],[74] Evit kempouezañ abalamour ma oa un tamm re a redadegoù nullet e voe embannet e vije graet div redadeg eus an Iowa 300 ha eus Priz Bras Monterey, kenkoulz ha lakaet ouzhpenn un trede redadeg en Indianapolis Motor Speedway d'an 3 a viz Here, dindan an anv INDYCAR Harvest GP (da vezañ redet war an troiad-hent)^[75].

D'ar 7 a viz Mae e voe embannet e komañsje ar bloaz gant un darvoud koñdañset war un deiz en Texas Motor Speedway, diarvesterien^[76] Raktreset e oa ar redadeg war 248 tro da zi gentañ, war-dro 600 kilometres (370 miles), met berraet e voa da 200 tro pe, war-dro, 300 miles (480 kilometres). Ouzhpenn d'an dra-se e voe embannet reolennoù pellder sokial e-keñver ar bedreuziad COVID-19 evit implijidi ar skipailhoù ha prenet e vije peadra d'o gwareziñ.^[61] D'ar 27 a viz Mae e voe embannet er gelaouenn Racer e vije harzet prantadoù ar bandennoù-rod e-pad ar Genesys 300 da 35 tro, dre ma vije implijet bandennoù-rod nann implijet en DXC Technology 600 2019 a voe implijet d'an dibenn-sizhun redadeg-se^[77] N'eo ket ar wezh kentañ e c'hoarvez kement-se dre ma voe lakaet e plas ur reolenn a 30 tro maksimom en drederenn ziwezhañ ar Rainguard Water Sealers 600 2017.^[78].

D'an 13 a viz Mae e voe embannet gant an IndyCar e vije dalc'het Priz bras Firestone St. Petersburg evel redadeg ziwezhañ ar bloaz d'ar 25 a viz Here^[79].

D'ar 15 a viz Mae e voe embannet gant aozerien Honda Indy Toronto e vije daleet ar redadeg raktreset d'an 12 a viz Gouere abalamour e oa difennet an darvoudoù re vras e Toronto abalamour d'ar c'hurunvirus kenkoulz hag e oa startoc'h beajiñ e Kanada d'ar mare-se^[80].

D'ar 21añ a viz Mae e voe embannet gant an IndyCar muioc'h a gemmoù en deiziadur. Dilec'hiet e voe redadeg Road America da viz Gouere hag e voe lakaet da redadeg-zoubl tra ma voe nullet Toronto ha Richmond ez-ofisiel^[81].

D'ar 4 a viz Even e voe disklêriet gant an Indianapolis Motor Speedway e vije dalc'het holl zarvoudoù da vare ar GMR Grand Prix diarvesterien^[82].

• IndyCar Series

• (en) Lec'hienn ofisiel an IndyCar