Hokuto no Ken
| Titl | 北斗の拳  |
|---|---|
| Labour da-heul | Fist of the North Star, Fist of the North Star, Fist of the North Star |
| Tachenn | tresadennoù-bev ha manga skiant-faltazi |
| Aozer | Tetsuo Hara |
| Bro orin | Japan |
| Yezh an oberenn pe an anv | japaneg |
| Deiziad kregiñ | 13 Gwe 1983 |
| Deiziad echuiñ | 8 Eos 1988 |
| Tem sonerezh | Ai o Torimodose!! |
| Roll an tudennoù | listenn tudennoù Hokuto no Ken |
| Lec'hienn ofisiel | http://www.hokuto-no-ken.jp |
| Bet embannet e | Weekly Shōnen Jump |
| Arvesterien pal | Shōnen |
Hokuto no Ken (japaneg : 北斗の拳, romanekadur Hepburn: Hokuto no Ken, "Meilh-dorn ar C'harr Kamm Bras") zo ur manga shōnen treset gant Testuo Hara ha skrivet gant Buronson. Embannet e voe adalek 1983 betek 1988 er gelaouenn Weekly Shōnen Jump gant an ti-embann Shūeisha. Embannet e oa bet e stumm tankōbon goude bezañ bet embannet a-dammoù er gelaouenn Weekly Shōnen Jump perc'hennet gant Shueisha. Ragembannet e oa bet e 245 niverenn eus ar gelaouenn etre 1983 ha 1988 ha goude-se e stumm 27 tankōbon. An istor a dremen en ur bed goude an apokalips, goude ur brezel nukleel. Kenshiro, an dudenn bennañ, a zo hêr un arz emgannañ marvus anvet Hokuto Shinken, a ro an tu da lazhañ an dud dre skeiñ rik e lodennoù eus ar c'horf. An dud a vez tizhet a vez alies o tarzhañ gant o c'horf diroget. Kenshiro a glask talañ ouzh gangoù feuls-diroll, torfedourien, mistri brezel a vez o tennañ gounid eus an darvoudoù evit seveniñ obererezhioù fall. Raloc'h e vez o stourm a-enep tud mistri war arzoù emgannañ. Ar manga a zo bet gwerzhet ouzhpenn 100 milion a skouerennoù anezhañ, ar pezh a ra eus an heuliad an hini gwerzhetañ a-viskoazh. Ar manga-se zo gwelet evel unan eus ar re gant ar muiañ a levezon a-viskoazh ivez.