Het Schip
Het Schip (« al lestr » e nederlandeg) a zo ur savadur ennañ ranndioù, lec'hiet e karter Spaarndammerbuurt en Amsterdam, ha savet diwar stil skol Amsterdam. Unan eus savadurioù aroueziusañ ar skol savouriezh-se eo. Steuñv ar savadur a zo bet treset gant Michel de Klerk e 1919. Damheñvel ouzh ur vag eo, ha dibar eo e stumm, eus forzh pelec'h ma seller outañ. Ennañ e kaver ranndioù, ur sal emvodoù bihan, hag un ti-post a voe lakaet da virdi skol Amsterdam e 2001.
