Feur-emglev Granada
Feur-emglev Granada a oa bet sinet d'ar 25 a viz Du 1491 etre Boabdil, sultan Granada, hag ar Rouaned katolik, Fernando II Aragon hag e bried Izabel Kastilha. Gantañ e voe echuet brezel Granada, boulc'het e 1482, ha seziz Granada kroget e nevezamzer 1491.
Hervez an emglev e oa un arsav-brezel da gentãn ha goude, e Genver 1492, deroidigezh ar galloud en Emiriezh Granada (savet pemp kant vloaz a-raok) d'ar rouaned katolik. Ar Vaoured (los Moros) a chome gante ar gwir da virout o relijion.
Koulskoude, goude an emsavadeg a c'hoarvezas e 1500 e tivizas Spagn e oa torret an emglev, ha lamet e voe o gwirioù digant ar vuzulmaned.
Heuliadoù
[kemmañ | kemmañ ar vammenn]Evel meneget e divizoù ar feur-emglev e chomas Isabel ha Fernando mistri Granada, ha kuit ez eas ar roue Boabdil en deiz en-eeun ma tegouezhas an arme gristen. Evel-se ec'h echuas ar Reconquista, ur maread istorel boulc'het en 722 gant rouaned kristen al ledenez a oa o paouez skarzhañ ar galloud muzulman er-maez anezhi.
Tost da gant vloaz goude, en amzer ar roue Felipe II e c'hoarvezas emsavadeg ar vorisked . Diskennidi mored rouantelezh Granada, a asantas bevañ evel sujidi kurunenn Kastilha evit chom en o bro-se, en em savas gant armoù enep ar Gurunenn en 1568. Da-heul kement-se e voe skarzhet ar vorisked en 1609.