De Volkskrant

de Volkskrant ("kazetenn ar bobl" e nederlandeg) a zo ur pemdezieg izelvroat embannet diouzh ar mintin. Ment un tabloid a zo dezhañ abaoe an 29 a viz Meurzh 2010.

E 1919 e voe krouet De Volkskrant . D'an 2 a viz Here 1919 e voe embannet an niverenn gentañ hag adalek 1921 e teuas da vezañ pemdeziek. Pa voe krouet e oa stag ouzh Strollad ar gristenien. Pa voe adsavet e 1945 e voe dilojet burevioù ar gazetenn eus Den Bosch da Amsterdam^[1]. Er bloavezhioù 1960 e teuas da vezañ ur gazetenn eus an tu-kleiz, a-raok kemmañ en-dro er bloavezhioù 1980^[2].

E 2002 e veze gwerzhet 326 000 skouerenn anezhañ bemdez, ha 263 845 skouerenn e 2008^[3]. War zigresk ez a ar gwerzhañ bepred, an trede kazetenn bemdeziek gwerzhet ar muiañ en Izelvroioù eo c'hoazh, goude De Telegraaf hag Algemeen Dagblad.

De Volkskrant a oa perc'hennet gant PCM Uitgevers N.V., un embanner hag a zo perc'henn war NRC Handelsblad, Algemeen Dagblad ha Trouw ivez. Betek ar 1añ a viz Genver 2003 e oa perc'hennet Het Parool gant PCM Uitgevers ivez.

E 2009 e voe adprenet PCM Uitgevers gant De Persgroep N.V., un embregerezh embann belgiat.

• Kader Abdolah
• Mohammed Benzakour
• Godfried Bomans
• Wim Boost
• Hugo Brandt Corstius
• Remco Campert
• Thomas von der Dunk
• Jan Mulder
• Michaël Zeeman

• Lec'hienn ofisiel

Porched an Izelvroioù – Adkavit pennadoù ha rummadoù Wikipedia a denn d'an Izelvroioù.