Alfred Kalb
| Lejioner | |
|---|---|
| Anv badez | Alfred Kalb |
| Lesanvioù | Lejioner bihan Ar c'hantreer |
| Deiziad ganedigezh | Dianav |
| Aet da anaon | |
| Lec'h ganedigezh | Berlin, Berlin-Moabit, Alamagn |
| Bro |  Alamagn
|
| Skourr |  Lejion Estrañjour |
| Micherioù | Lejioner Soudard |
| Renk | Gefreiter |
| Unvezh |  19vet rann panzer |
| Emgannioù pennañ | Brezel ar Rif |
kemmañ  |
|
Lejioner, Alfred Kalb eus e anv gwirion, a zo un dudenn a adkaver lies e romantoù istorel Sven Hassel. Genidik eus Berlin o vevañ e karter Berlin-Moabit a-raok an Eil Brezel-bed. Stlapet e oa bet er c'hampoù-bac'h dre ma oa bet ezel el Lejion Estrañjour ha neuze kondaonet evit bezañ bet o servij en ul lu o vrezeliñ a-enep an Trede Reich ha gwelet evel enebour politikel. Gefreiter ez eo er 27vet rejimant panzer e romantoù Sven Hassel. Goude an Eil Brezel-bed e tistro el lejion estrañjour gant e gamarad Breur Bihan. Mervel a raio en un ospiti evit al lejionerien gozh evel Breur Bihan.
Tro-spered
[kemmañ | kemmañ ar vammenn]Da geñver an holl tudennoù taolennet e romantoù Sven Hassel ez eo an hini stabilañ da geñver spered. Soudard abaoe ma z'eo yaouank flamm n'en deus ket aon rak ar stourm na rak ar gourdonadegoù. A-wechoù ez eo lakaet e karg da gourdoniñ ar soudarded nevez o erruout er 27vet rejimant panzer. Displijet bras ez eo gant an dud hep doujañs ouzh ar relijion betek lazhañ kriz lod anezho.
Displijet bras ez eo gant an dud o flemmañ ar Frañs rak en em santout a ra gall a-raok pep tra. Gwasoc'h ez eo pa vez flemmet e harozh ar jeneral De Gaulle, gellout a ra bezañ feuls a-benn neuze.
Muzulman ez eo met evañ ha butuniñ a ra. Ober a ra an holl pedennoù ret bemdez gant e tapiz pediñ.
Pa vez o argadiñ e huch pe "Allah el Ackbar!" pe "En avant la Légion!". Pa vez o c'hortoz ur prantad stourm pe un dro-gamm e blij dezhañ mouskanañ "Komm, Süßer Tod" (brezhoneg:" Deus marv dous, deus") ur ganaouenn anavezet mat el lu Alaman ha bet krouet gant Johann Sebastian Bach hag ul liamm a ra gant lugan al Lejion Spagnol "¡Viva la muerte!". Dre gement-mañ e soñj a-wechoù d'ar rusianed ez eo soudarded ar brigadenn SS Rann-arme Karl-Veur e-tal dezho.
Komz a ra Alamaneg, Arabeg, Spagnoleg, Galleg ha Chinaek.
Keñveriañ a ra alies an tachennoù hag an enebourien gant ar re en deus bet treuzet pe stourmet outo pa oa el Lejion Estrañjour dreist-holl e-pad Brezel ar Rif. Bepred e tiskler e oa gwasoc'h ar pezh a vevas a-raok bezañ er 27vt rejimant panzer.
Spouronet ez eo Breur Bihan gant ar bed relijiel ha pa vez kaoz eus ar Pab pe Jezuz pe Allah e sav ur barad anaon ennañ dre an torfedoù en deus bet graet a-hed e vuhez. Lejioner pe Alfred Kalb a implij ar fed-se evit gopaat outañ.
Korfelezh
[kemmañ | kemmañ ar vammenn]1m60 ez eo.
Bez e vez bepred gant ur sigaretenn enaouet pe get en e veg.
E dremm a zo mac'hagnet bras, glizennoù lies en deus. Spouroniñ a ra an dud dre e zaoulagad hag e dremm freuzet.
Digastret ez eo bet e toull-bac'h Fagen, pa vez e gamaraded o vont da welet ar gisti e ya ganto mezv-du dall hag e sell evit kaout mennozhioù evit digeriñ ur bordell dezhañ e-unan goude ar brezel e Maroko.
Ar soudard
[kemmañ | kemmañ ar vammenn]Bet e oa bet lejioner en eilvet rejimant el Lejion estrañjour, kemeret en deus perzh e brezel ar rif, stourmet en deus ivez e Indez-Sina.
Hervezhañ ez eo emezellet el Lejion pa oa 16 vloaz ha da vare romantoù Sven Hassel e tiskler ez eo soudard abaoe 14 vloaz pe 30 vloaz bremañ.
Ur soudard ampart ez eo war an holl tachennoù nemet stourm a-enep an tankoù lec'h ma z'eo gwelloc'h Breur Bihan evitañ. Soudard mailh gant ar mindrailherezhoù, kontilli, fuzuilhoù resided, kordennoù-kroug ez eo.
-
Banniel an 2vet rejimant troadegiezh estren al Lejion Estrañjour -
Banniel an 2vet rejimant troadegiezh estren al Lejion Estrañjour -
Ardamez an 2vet rejimant troadegiezh estren al Lejion Estrañjour -
Doare poltred ar jeneral Charles de Gaulle hag a vez gant lejioner en e godell
Plijout a ra dezhañ kaout armoù naetaet mat ha prest da lazhañ an enebourien.
Pa vez o vale ne ra trouz ebet ne ra forzh ma vije war an talbenn pe en a-dreñv.
Dougen a ra ul lien-mouch glas-gwenn-ruz livioù ar banniel c'hall hag en e godell unwisk soudard en deus ur poltred eus ar jeneral Charles de Gaulle.
Levrlennadur
[kemmañ | kemmañ ar vammenn]- Døden på Larvefødder (Rodoù ar marv) (1957) (Goañv 1943 - Meurzh 1944)
- Frontkammerater (Kamaraded an talbenn) (1960) (Ebrel-Eost 1944)
- Marchbataillon (Batailhon-bale) (1962) (fin 1942 - Ebrel 1943)
- Gestapo (1943-1944)
- Monte Cassino (1963) (Genver-Mae 1944)
- Likvidér Paris ! (Risañ Pariz!) ((1967) Even 1944 - C'hwevrer 1945)
- SS-generalen (Jeneral SS) (1969) (fin 1942- Ebrel 1943)
- Glemt af Gud (Hent gwadus ar marv) (1977) (Hañv 1944 )
- Jeg så dem dø (Brezel an hañv) (1974) (Here 1941 - Genver 1942)
- Kommando Reichsführer Himmler (Kommando Reichsführer Himmler) (1972) (Eost-Here 1944)
- GPU-Fængslet (Toull-bac'h ar GPU) (1971) (Goañv 1942 - 1943)
- Krigsret (Barnadeg-brezel) (1979) (Goañv 1942-1943)
- Kommissæren (Ar c'homiser) (1985) (Hañv 1941)