Kalambu
Kalambu baguna gasan manjaga urang matan nyamuk, lalat, wan karangga nang lain tamasuk panyakit nang timbul marga karangga ngitu tadi, nang kaya malaria wan filariasis. Kalambu babantuk nang kaya sabuting widai tipis, tambus janak, wan jaring-jaring nang kawa manahan bamacam-macam karangga nang ma'igut atawa mahaur urang nang mamakainya. Jaring-jaringnya diulah nang kaya ngitu supaya karangga kada kawa masuk tagal udara kawa haja masuk. Kalambu kawa jua disambat lawan ngaran bedcanopy. Kalambu rancaknya dipakai nang kaya tinda gasan manukupi pangguringan. Supaya kawa baguna bujur-bujur, maka parlu dijaga supaya kadada lubang atawa calah gasan karangga masuk. Kalambu ada jua nang ba'isi karangka gasan manahan kalambunya sa'urang atawa rancaknya disambat urang wan ngaran self dropping bedcanopy.
Kalambu nang ditambahi insiktisida dikambangakan wayah tahun 1980 gasan pahaga'an malaria. Kalambu ngini ditambahi insiktisida piritruid atawa pirmitrin nang kawa mamati'i wan mahaga nyamuk. Sabuting panalitian nang digawi di Flores Timur manunjukakan bahua pamakaian kalambu nang ditambahi insiktisida pirmitrin 0,20 g/m2 kawa mangurangi kajadian malaria wan filariasis salawas 5 bulan pamakaian nang pamulaannya 25,70% jadi 21,95% gasan malaria mulai 4,20% ka 2,44% gasan filariasis.[1]
Pranala luar
[babak | babak asal-mulanya]- Technical information about woven wire and a mesh table Archived 2007-09-29 at the Wayback Machine
- A charity project devoted to preventing malaria in Sierra Leone by the use of Long-Lasting Insecticidal Nets Archived 2007-09-28 at the Wayback Machine
Referensi
[babak | babak asal-mulanya]- ^ "Penggunaan Kelambu yang Dicelup Insektisida oleh Petani Se Luhir, Flores Timur)". Buletin Penelitian Kesehatan, Vol.22 (4) 1994. 30 Desember 1994. Diarsipkan dari versi asli tanggal 28 May 2012. Diakses tanggal 16 September 2007.