Grazia Deledda

Grazia Deledda, panulis Italia, ranak di Nuoro, Sardinia pas 1871, habis umur di Roma pas 1936. Grazia Deledda dianugarahi Hadiah Nobel Sastra 1926.

Inya partama kali manarbitakan babarapa novel di majalah "L'ultima moda" haratan majalah nintu masih manarbitakan karya dalam bentuk prosa wan puisi. Nell'azzurro, diterbitkan ulih Trevisani pas 1890 kawa dianggap sabagai karya panambayan ampunnya.

Di Nuoro, Sardinia di sabuting rumah nang mana Grazia ranak. Manikah pas umur anum. Imbahnya pindah ka Roma pas 1899 dimana hidupnya pina tanang, salawas inya hidup, inya rancak bakunjung ka Sardinia. Pas umur 17 tahun Deledda manulis kisah panambayannya badasarkan pambacaan nang hibak parasaan lawan carita-carita rakat.

Lawan Il vecchio della montagna (1900; “The Old Man of the Mountain”) Inya mulai manulis tantang efek tragis matan gudaan wan dosa di antara manusia primitif. Diantara karya-karya inya nang manonjol adalah Dopo il divorzio (1902; After the Divorce); Elias Portolu (1903), kisah saikung mantan narapidana mistik nang jatuh cinta lawan pangantin saudara lakiannya, La madre (1920; The Woman and the Priest; U.S. title, The Mother) tragedi saikung mama nang mawujudakan mimpinya pada anak nang laki hagan jadi imam nang imbahnya anaknya manyarah lawan gudaan dosa. Karya-karya Deledda lebih matan 40 novel.^[1]

Wayahini rumah Deledda dijadiaakan museum. Di sabuitng wadah gereja halus, Chiesetta della Solitudine, nang mana kawa mandapatakan kuburannya.

Berikut ngini adalah babarapa karya populer Deledda:

• Fior di Sardegna (1892)
• Le vie del male (1892)
• Racconti sardi (1895)
• Anime oneste (1895)
• Elias Portolu (1903)
• Cenere (1904)
• L'edera (1912)
• Canne al vento (1913)
• Marianna Sirca (1915)
• La madre (1920)
• La fuga in Egitto (1925)
• Il sigillo d'amore (1926)
• Cosima (1937), ditarbitakan sacara anumerta
• Il cedro del Libano (1939), ditarbiakan sacara anumerta

1. ^ "Grazia Deledda | Italian author". Encyclopedia Britannica (dalam bahasa Inggris). Diakses tanggal 2018-03-10.