Hodeng

Hodeng^[1][2] (hurup Arab Gundul: هودڠ) entu macem cara mèjèng kecakepan nyang bekèn di atu témpo, tempat, jaman, èn kontèks ketentu.^[3] Biasanya, hodeng entu ada di pakéan, perintilan, setil, èns. Hodeng juga atu cara pegimana biar kita kiatannya mingkin narik, biar kena ngebèngbat orang.

Hodeng ada kaètannya ama budaya, cuman hodeng juga' ada kaètannya ama pegimana hawa ama sejarah negara kita punya tinggal. Misalnya, di Swèden punya hodeng ada pakéan-pakéan anget èn di Aprika punya – pakéan tipis-tipis.

Hodeng nglingkup pakéan, ales kaki, setil idup, perintilan, dandanan, setil rambut, ama jogrogan awak.^[4]

Adapun hodeng baju modèren punya sejarah galibnya dipahamin semprakan tahon 1858, kapan Charles Frederick Worth, atu orang kelairan Inggris, ngebuka' atu rumah hodeng mèwah (haute couture) di Parès.

1. ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
2. ↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.
3. ↑ Laver, James 1979. The concise history of costume and fashion. Abrams.
4. ↑ Kaiser, Susan B. 2019. Fashion and cultural studies. Bloomsbury Visual Arts. ISBN 978-1350109605