Даведка:Пачаткоўцам пра аўтарскае права

Матэрыялы, змешчаныя ў Вікікрыніцах, павінныя свабодна распаўсюджвацца паводле законаў ЗША, таму што праекты «Фонду Вікімедыя» рэгулююцца законамі штата Каліфорніі, і паводле законаў Рэспублікі Беларусь, бо гэта спрашчае паўсюднае выкарыстанне тэкстаў Вікікрыніц.

Вы можаце апублікаваць у Вікікрыніцах свой пераклад твора, які знаходзіцца ў грамадскім набытку, калі ён адпавядае патрабаванням да зместу. Калі ваш пераклад выдаваўся раней, глядзеце наступны раздел.

Калі Вы маеце кантакт з уладальнікам аўтарскіх правоў або дазволу на вольную публікацыю, трэба папрасіць яго даць дазвол на публікацыю гэтага твора ў Вікікрыніцах на ўмовах ліцэнзіяў CC-BY-SA або GFDL. Для фіксацыі дазволу на выкарыстанне матэрыялаў трэба скарыстацца камунікацыйнай сістэмай VRT (глядзеце Вікіпэдыя:Запыт дазволаў на выкарыстаньне). Запэўніцеся, што аўтар або ўладальнік аўтарскіх правоў ўважліва прачытаў тэкст ліцэнзіі і слушна яе зразумеў, і што твор адпавядае патрабаванням да зместу.

Калі ласка, зважайце, што ў Вікікркыніцах забароненыя ліцэнзіі, якія не дазваляюць камерцыйнае выкарыстанне або стварэнне вытворных працаў.

Ніжэйпададзеныя прынцыпы прытарноўваюцца да твораў, апублікаваных упершыню ў Беларусі. Для апублікаваных у іншых краінах пратырноўваецца адпаведны нацыянальны закон аб аўтарскім праве.

У Вікікрыніцах дазваляецца публікаваць творы:

1. апублікаваныя да 7 лістапада 1917 года ў Расійскай імерыі;
2. апублікаваныя ананімна або пад псеўданімам, імя аўтара якіх ня стала вядомым цягам 50 гадоў пасля публікацыі;
3. апублікаваныя на тэрыторыі сучаснай Беларусі, напісаныя аўтарамі, якія памерлі да 1974

Калі твор апублікаваны па-за межамі сучаснай Беларусі (асноўныя заўвагі, могуць быц паасобныя нюансы ў залежнасці ад краіны):

1. апублікаваныя да 7 лістапада 1917 года ў Расійскай імерыі;
2. напісаныя аўтарамі, якія памерлі да 1954

Прытарноўваецца самая позняя дата, то бок тэрмін аховы выключнага права для аўтара, які перажыў іншых суаўтараў.

Дадзеная табліца датычыцца толькі тых твораў, што ўпершыню былі апублікаваныя на тэрыторыі ЗША.

Сёння тэрмін аховы аўтарскіх правоў на творы, якія паходзяць з тэрыторыі сучаснай Беларусі, рэгулюецца наступнымі дакументамі:

• Закон Рэспублікі Беларусь «Аб аўтарскім праве і сумежных правах» ад 17 мая 2011 г. № 262-З.
• Глава 61. Аўтарскае права і сумежныя правы Грамадзянскага кодэкса Рэспублікі Беларусь.

Зважайце, што творы, апублікаваныя ўпершыню ў Вільні, абараняюцца паводле законаў Летувіскай Рэспублікі. Таму з прычыны, што беларускія творцы публікаваліся актыўна па-за межамі сучаснай Беларусі (Вільня, Санкт-Пецярбург, Прага і г. д.), ніжэй падаюцца некаторыя дакументы, якія рэгулююць аўтарскае права ў некаторых суседніх краінах:

• Летува

1. Закон Летувіскай Рэспублікі «Аб аўтарскіх правах і сумежных правах» ад 18 мая 1999 г. № VIII-1185.

• Расея

1. Глава 70. Аўтарскае права Грамадзянскага кодэкса Расійскай Федэрацыі.
2. Федэральны закон Расійскай Федэрацыі ад 18 снежня 2006 г. № 231-ФЗ «Аб увядзенні ў дезянне часткі чацвёртай Грамадзянскага кодэкса Расійскай Федэрацыі».

• Польшча

1. Закон Польскай Рэспублікі «Аб аўтарскім праве і сумежных правах» ад 4 лютага 1994 г. № 24-83.

• Чэхія

1. Закон Чэшскай Рэспублікі «Аб аўтарскім праве, аб сумежных правах з аўтарскім правам і аб змене некаторых законаў» («Аўтарскі закон») ад 12 мая 2000 г. № 121/2000.

• Нямеччына

1. Закон Федэратыўнай Рэспублікі Нямеччыны «Закон пра аўтарскае права і блізкія да яго правы на ахову» ад 1 студзеня 1966 г. № 24-83.