RECHA

RECHA
Асноўная інфармацыя
Жанры	поп, фольк-мадэрн і іншыя
Гады	2002—цяперашні час
Краіна	Беларусь
Горад	Мінск
Мова песень	беларуская
Склад	Андрусь Такінданг Кастусь Лісецкі Віця Паўлючэня Леанід Паўлёнак Яўген Шурмей
Былыя ўдзельнікі	Мікіта Кішоў Арына Лісецкая Марыя Сільвановіч

«RECHA», або «Recha», або «Рэ́ха» — беларускі музычны гурт, заснаваны ў 2002 годзе. Грае ў жанры поп і фолк-мадэрн, актыўна ўжываючы ў сваёй творчасці і іншыя жанры. Гурт шырока вядомы сваімі вулічнымі канцэртамі і дабрачыннымі выступамі ў разнастайных установах^[1].

Гурт заснаваны ў 2002-2003 гг. Першым складам гурта (Андрусь Такінданг, Мікіта Кішоў, Арына Лісецкая, Марыя Сільвановіч, Кастусь Лісецкі) Recha з’ездзіла ў туры па Польшчы, удзельнічала ў розных конкурсах тыпу Басовішча і Бардаўскай восені, пракацілася па Беларусі і нават патрапіла ў Санкт-Пецярбург. Пасля двухгадовага зацішша гурт сабраўся ў новым складзе (Андрусь Такінданг, Мікіта Кішоў, Кастусь Лісецкі, а таксама акардыяніст Віця Паўлючэня і ўдарнік Леанід Паўлёнак). У 2011 г. на змену Мікіту да Recha далучыўся гітарыст Яўген Шурмей.

У снежні 2015 года музыкі прадстаўляюць свой першы альбом «Pierajnačyć», у які ўвайшлі песні, запісаныя ў 2010-2014 гадах^[2].

У 2019 годзе гурт выдаў альбом «Žyvak» з канцэртнымі нумарамі за 10 гадоў.

У 2024 годзе Андрусь Такінданг выпусціў сольны альбом «Mir i supakoj».

• «Pierajnačyć» (2015)^[2]
• «Žyvak» (2019)^[3]

• «Песьні свабоды-3. Плошча імя Каліноўскага» (2007), трэк «Бацькаўшчына»
• «НезалежныЯ» (2008), трэк «Як сьпявала»