Mafia II

Mafia II
Распрацоўшчык	2K Czech
Выдавец	2K Games
Частка серыі	Mafia[d]
Даты выпуску	24 жніўня 2010
Апошняя версія	PC: 1.4
Жанр	Шутар ад трэцяй асобы, аўтасімулятар
Стваральнікі
Геймдызайнер	Daniel Vávra[d]
Тэхнічныя даныя
Платформы	Microsoft Windows, PlayStation 3, Xbox 360
Гульнявы рухавік	The Illusion Engine
Рэжым гульні	аднакарыстальніцкая гульня[1]
Мовы інтэрфейсу	англійская[2], французская[2], нямецкая[2], італьянская мова[2], іспанская[2], чэшская[2], польская[2] і руская[2]
Носьбіты	аптычны дыск, лічбавае распаўсюджванне[d] і лічбавая спампоўка[d]
Кіраванне	камп’ютарная клавіятура
Афіцыйны сайт (англ.)
Медыяфайлы на Вікісховішчы

Mafia II — камп’ютарная гульня, шутар ад трэцяй асобы з элементамі аўтасімулятара, сіквел гульні Mafia: The City of Lost Heaven. Распрацаваная чэшскай кампаніяй 2K Czech. Распрацоўка гульні была анансаваная 21 жніўня 2007 года на Leipzig Games Convention, гульня была выдадзеная кампаніяй 2K Games 24 жніўня 2010 года ў Паўночнай Амерыцы і 27 жніўня 2010 года ва ўсім свеце. Даты выхаду аднолькавыя для ўсіх падтрымоўваных платформ: PlayStation 3, ПК і Xbox 360.

Падзеі Mafia II разгортваюцца ў 1943—1951 гадах у выдуманым амерыканскім горадзе Эмпайр-Бэй (англ.: Empire Bay) з насельніцтвам у сем мільёнаў. У горадзе «запраўляюць» тры галоўныя мафіёзныя «сям’і»: Вінчы, Клементэ і Фальконе.

Галоўны герой, Віта Скалета (англ.: Vito Scaletta) (поўнае імя — Віторыё Антоніа Скалета), у дзяцінстве пераехаў разам са сваёй сям’ёй з Сіцыліі ў ЗША. Калі быў хлапчуком, Віта думаў, што ў Амерыцы ўсе яго мары стануць рэальнасцю, аднак насамрэч усё аказалася інакш. Яго бацька, Антоніа Скалета, сумленны работнік, працаваў у порце, атрымліваючы за сваю працу мізэрныя грошы, якія часта траціліся ў карчме. Праз некалькі гадоў Антоніа, як лічыцца, п’яны ўпаў у ваду і патануў. Маці Віта, богабаязная пажылая жанчына, якая хвалюецца за свайго сына, працуе памочніцай святара ў мясцовай царкве.

У школе Віта пасябраваў з іншым хлапчуком, Джо Барбара (англ.: Joe Barbaro) — вядомым у акрузе хуліганам. Абодва яны былі з бедных сем’яў, таму, стаўшы найлепшымі сябрамі, хутка прыахвоціліся да бандытызму — кішэнных крадзяжоў, рабавання крам і г.д.

Аднойчы падрослыя Джо і Віта вырашылі абрабаваць ювелірны магазін. Першая сур’ёзная справа аказалася не зусім удалай: іх заўважыў паліцэйскі. Віта быў злоўлены, а Джо ўдалося схавацца. Ішла Другая сусветная вайна, на фронце былі патрэбныя добраахвотнікі, таму Віта далі выбар. Паміж турмой і вайной ён абраў вайну, у выніку чаго быў адпраўлены на фронт — дэсантнікам ў 504-ы парашутны полк.

Артыкул занадта кароткі Калі ласка, дапоўніце артыкул і прыбярыце гэта папярэджанне. Калі артыкул застанецца недапісаным, яго могуць прапанаваць да выдалення. Для ўказання на працяг працы над артыкулам карыстайцеся шаблонам {{subst:L}}.

• Mafia: The City of Lost Heaven
• Mafia III

• Афіцыйны сайт гульні
• Вікімафія