Яўстах Курч

Яўстах Курч
Яўстах Курч. Невядомы мастак, XVII ст.
Герб «Радван»
Кашталян віцебскі 1639 — 1647
Папярэднік	Мікалай Завіша
Пераемнік	Юзаф Кляноўскі
Смерць	1647(1647)
Род	Курчы
Бацька	Марцін Курч
Маці	Апалонія з Корсакаў[d]
Жонка	1) Раіна Валовіч 2) Ганна Мірская 3) Сюзанна Тышкевіч

Яўстах Курч (? — 1647) — дзяржаўны дзеяч Вялікага Княства Літоўскага. Падкаморы парнаўскі (1599—1602) і гарадзенскі (з 1617), кашталян віцебскі (з 1639).

Валодаў маёнткамі Сянно, Уснач, Бераставіца. Трымаў Упіцкае староства (з 1618).

З шляхецкага роду Курчоў, сын Марціна.

У 1609 збудаваў мураваны касцёл у Сянно. У 1635 заснаваў кляштар францысканцаў у Горадні. Ахвяраваў манахам вялікі абсталяваны мураваны дом, размешчаны ў месце па вуліцы Маставой^[1].

За фундатарскую дзейнасць у гарадзенскім касцёле Маці Божай Анёльскай змясцілі партрэты Яўстаха Курча і ягонай жонкі.

• Пазднякоў В. Курчы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 171. — 792 с. — ISBN 985-11-0378-0 (т. 2), ISBN 985-11-0315-2.