Уэслі Джон

Уэслі Джон
Уэслі Джон
Поўнае імя	Уэслі Леслеон Джон
Нарадзіўся	29 ліпеня 1991 (33 гады); Пойнт Фортын[d], Трынідад і Табага;
Грамадзянства	Трынідад і Табага
Рост	195 см
Вага	83 кг
Пазіцыя	абаронца
Інфармацыя пра клуб
Клуб	Пойнт Фортын Цывік
Клубная кар’ера
2015	Бастанчы Багчыл
2023—	Пойнт Фортын Цывік
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 студзеня 2022. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 6 ліпеня 2017 ;

Уэслі Джон (англ.: Weslie John; нар. 29 ліпеня 1991, Пойнт Фортын, Трынідад і Табага) — трынідадскі футбаліст, абаронца клуба «Пойнт Фортын Цывік».

Клубная кар’ера

Пасля выступлення за дзіцячыя каманды трапіў у адзін з найбольш паспяховых трынідадскіх клубаў «Дабл-Ю Канекшн», аднак так і не згуляў за яго. Пазней выступаў за клубы «Паліс» і «Пойнт Фортын Цывік». �� другой палове 2015 года гуляў за клуб «Бастанчы Багчыл» з Паўночнага Кіпра, а ў 2016 годзе выступаў за сальвадорскі клуб УЭС.

У лютым 2017 года прыбыў на прагляд у беларускі клуб «Іслач» і ў сакавіку падпісаў кантракт^[2]. Здолеў стаць іграком асновы, аднак у маі не гуляў з-за траўмы, пазней вярнуўся ў склад. У ліпені 2017 года кантракт абаронцы з «Іслачу» па пагадненні бакоў быў разарваны^[3].

Неўзабаве пасля зыходу з «Іслачы» вярнуўся на радзіму, папоўніўшы склад «Дабл-Ю Канекшн», у складзе гэтага клуба стаў уладальнікам Кубка і Кубка лігі, а таксама срэбраным прызёрам чэмпіянату. У лютым 2018 года зноў апынуўся ў складзе «Іслачы» і ў сакавіку афіцыйна вярнуўся ў беларускую каманду^[4]. У сезоне 2018 быў трывалым іграком стартавага складу беларускай каманды. У снежні 2018 года пакінуў «Іслач»^[5].

У пачатку 2019 года ў паслугах абаронцы былі зацікаўлены армянскія клубы «Арарат-Арменія»^[6] і «Арарат»^[7], аднак у красавіку ён зноў стаў трэніравацца з «Іслаччу» і неўзабаве афіцыйна вярнуўся ў каманду^[8]. У сезоне 2019 звычайна заставаўся на лаўцы запасных, таксама прыцягваўся да дубля. У снежні 2019 года па пагадненні бакоў разарваў кантракт з «Іслаччу»^[9].

У лютым 2020 года стаў іграком узбекскага клуба «Андыжан»^[10], аднак так і не згуляў за яго і ў жніўні таго ж года перабраўся ў латвійскую «Елгаву», дзе гуляў да канца сезона.

У верасні 2022 года далучыўся да клуба «Двур-Кралавэ» з чацвёртага чэшскага дывізіёна. У пачтаку 2023 года вярнуўся на радзіму, дзе папоўніў склад клуба «Пойнт Фортын Цывік».

Міжнародная кар’ера

У 2011 годзе выступаў за моладзевую зборную Трынідада і Табага. 24 мая 2016 года дэбютаваў у нацыянальнай зборнай, адгуляўшы ўсе 90 хвілін у таварыскім матчы супраць Перу (0:4).

Дасягненні

02 Срэбраны прызёр чэмпіянату Трынідада і Табага: 2017
Уладальнік Кубка Трынідада і Табага: 2017
Уладальнік Кубка лігі Трынідада і Табага: 2017

Крыніцы

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 студзеня 2022.

[national-3] Колькасць гульняў і галоў за нацыянальную зборную ў афіцыйных матчах, адкарэктавана станам на 6 ліпеня 2017

[_2c94ba247cd42712-1] Weslie John // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[4] Защитник из Тринидада и Тобаго Уэсли Джон подписал контракт с "Ислочью"

[5] Уэсли Джон покинул "Ислочь"

[6] Уэсли Джон вновь стал игроком "Ислочи"

[7] Джон и Мичунович расстались с "Ислочью"

[8] Экс-защитник "Ислочи" продолжит карьеру в Армении

[9] Тринидадский защитник вместо «Арарат-Армении» перешел в «Арарат»

[10] Уэсли Джон вновь стал игроком "Ислочи"

[11] "Ислочь" рассталась с тремя легионерами

[12] Бывший защитник «Ислочи» Уэсли Джон перешел в «Андижан»

[1]