Тобіяс Арльт

Тобіяс Арльт
Агульная інфармацыя
Пол	мужчынскі пол
Мянушка	Tobi[1]
Спецыялізацыя	санны спорт[2]
Нарадзіўся	2 чэрвеня 1987(1987-06-02) (37 гадоў) Берхтэсгадэн[d], раён Берхтэсгадэн, Верхняя Баварыя, Баварыя, Германія
Грамадзянства	Германія
Рост	177 см
Вага	75 кг
Медыяфайлы на Вікісховішчы

Тобіяс Арльт (ням.: Tobias Arlt; нар. 2 чэрвеня 1987, Берхтэсгадэн, Германія) — нямецкі саначнік, які выступае ў двойцы з Тобіясам Вендлем. Чатырохразовы алімпійскі чэмпіён, васьміразовы чэмпіён свету і чатырохразовы чэмпіён Еўропы.

З’яўляецца ўладальнікам сярэбранага медаля чэмпіянату свету 2008 года ў Обергофе, дзе заняў другое месца па выніках парных мужчынскіх заездаў. На чэмпіянаце Еўропы 2010 года ў Сегулдзе Арльт выйграў срэбра і бронзу, першая ўзнагарода дасталася яму за змаганні паміж двойкамі, а другая за ўдзел у змяшанай камандзе. На сусветным першынстве 2013 года ў канадскім Уістлеры выйграў адразу два залатыя медалі, у мужчынскім парным разрадзе і ў змяшанай эстафеце.

Двухразовы залаты прызёр (двухмесныя сані ў пары з Тобіясам Вендлем) Алімпійскіх гульняў у Сочы 2014 у мужчынскім парным разрадзе і ў эстафеце.