Сэм Уортынгтан

Сэм Уортынгтан
Sam Worthington
Імя пры нараджэнні	Сэмюэл Генры Джэй Уортынгтан
Дата нараджэння	2 жніўня 1976(1976-08-02)[1] (48 гадоў)
Месца нараджэння	Годалмінг[d], Уэверлі[d], Сурэй, Англія, Вялікабрытанія[2]
Грамадзянства	Аўстралія
Жонка	Lara Worthington[d]
Адукацыя	Нацыянальны інстытут драматычнага мастацтва[d] John Curtin College of the Arts[d]
Прафесія	акцёр, акцёр агучвання, кінаакцёр, кінарэжысёр, сцэнарыст, тэлеакцёр
Кар’ера	2000 — наш час
Узнагароды
IMDb	ID 0941777
Медыяфайлы на Вікісховішчы

Сэмюэл Генры Джэй Уортынгтан (англ.: Samuel Henry J. Worthington; нар. 2 жніўня 1976) — аўстралійскі акцёр родам з Англіі. Сусветную вядомасць набыў дзякуючы галоўным ролям у фільмах Аватар, Бітва Тытанаў і Тэрмінатар: Выратаванне.

Сэм Уортынгтан нарадзіўся 2 жніўня 1976 года ў Годалмінгу, графства Сурэй (Англія). Вырас і доўгі час жыў у Аўстраліі. Акцёрскаму майстэрству навучаўся ў Нацыянальным інстытуце драматычнага мастацтва (NIDA) у Сіднеі.

Да 2006 года Сэм быў вядомы галоўным чынам па ролях у тэлесерыялах Аўстраліі. Пасля 2002 года зняўся ў некалькіх эпізадычных ролях галівудскіх фільмаў («Вайна Харта», «Вялікі рэйд»). У 2006 годзе Уортынгтан спрабаваўся на ролю Джэймса Бонда ў фільме «Казіно „Раяль“».

У 2007 годзе Уортынгтан пасля пробаў атрымаў галоўную ролю Джэйка Салі ў фільме Джэймса Кэмерана «Аватар», якая прынесла яму сусветную вядомасць. Па рэкамендацыі Кэмерана сыграў Маркуса Райта ў фільме «Тэрмінатар: Выратаванне». Выканаў ролю Персея ў новым блокбастары «Бітва тытанаў» 2010 года.

У 2010 годзе Уортынгтан агучваў галоўнага пратаганіста гульні «Call of Duty: Black Ops», Алекса Мэйсана^[3]. У 2011 годзе, сумесна з Джона Хілам, Сэм зняўся ў перадрэлізным рэкламным роліку гульні «Call of Duty: Modern Warfare 3»^[4].

• Рост Сэма — 178 см^[5].
• Бачыць Сэм дрэнна, але ачкі не носіць^[5].
• У перыяд з 2005 па 2008 гады Сэм сустракаўся з Мейв Дырмадзі (англ.: Maeve Dermody)^[6], а з 2009 года па 2011 год — са стылістам Наталі Марк (англ.: Natalie Mark)^[7].
• Уортынгтан прысутнічаў на прэм’еры «Аватара» ў Расіі. Гэта не першы яго візіт у Маскву і Санкт-Пецярбург. У адным з інтэрв’ю ён зрабіў нечаканае для зоркі баявікоў прызнанне: «Я ненавіджу спорт і не хаджу ў спартзалу».

• У 2010 годзе на 36-й цырымоніі ўзнагароджання прэміяй «Сатурн» Уортынгтан стаў лаўрэатам у намінацыі «Лепшы кінаакцёр» (за ўдзел у фільме «Аватар»)^[8].
• Намінант прэміі канала MTV 2010 года ў катэгорыях «Лепшы пацалунак» (разам з Зоі Салдана), «Лепшая бойка» (разам са Стывенам Лэнгам) і «Лепшы кінагерой»^[9].

• Афіцыйны сайт Архівавана 26 лютага 2011. (англ.)
• Сэм Уортынгтан на сайце «Internet Movie Database» (англ.)