Сцяг Вануату

Сцяг Рэспублікі Вануату
Зацверджаны	18 лютага 1980
Выкарыстанне
Прапорцыя	19:36
Ваенна-марскі сцяг Вануату

Дзяржаўны сцяг Вануату - прыняты 18 лютага 1980.

У якасці асновы нацыянальнага с��яга былі выбраны колеры партыйнага сцяга партыі Вануаку, якая прывяла краіну да незалежнасці ў 1980 годзе, — чырвоны, зялёны, чорны і жоўты. Канчатковы варыянт быў абраны парламенцкім камітэтам з некалькіх прапаноў мясцовых мастакоў.

Зялёны колер сімвалізуе багацце астравоў, чырвоны - колер крыві людзей і свіней, чорны - мясцовых жыхароў ні-вануату. Па прапанове прэм'ер-міністра Вануату былі ўключаныя жоўтая і чорная раздзяляльныя палосы (en: Fimbriation). Жоўтая Y-падобная фігура сімвалізуе святло Евангелля, якое асвятляе астравы Ціхага акіяна (у Вануату каля 90% хрысціян).

Жоўтая эмблема на чорным фоне - ікол дзіка - сімвал дабрабыту, які носяць на астравах як талісман, і дзве лісцінкі мясцовай папараці намеле. Лісцінкі з'яўляюцца сімвалам міру, а 39 іх лісточкаў прадстаўляюць 39 членаў заканадаўчага органа Вануату (на момант прыняцця сцяга парламент Вануату складаўся з 39 чалавек).

• 
  Сцяг Англа-французскай ваенна-марской камісіі
  1887 — 20 кастрычніка 1906
• 
  Сцяг французскай адміністрацыі кандамініума Новыя Гебрыды
  20 кастрычніка 1906 — 18 лютага 1980
• 
  Сцяг англійскай адміністрацыі Новых Гебрыдаў
  20 кастрычніка 1906 — 1953
• 
  Сцяг англійскай адміністрацыі Новых Гебрыдаў
  1953 — 18 лютага 1980
• 
  Штандар прэзідэнта Вануату