Стаборшчына

Стаборшчына
Краіна	Беларусь
Вобласць	Магілёўская
Раён	Крычаўскі
Сельсавет	Бельскі
Каардынаты	53°52′27″ пн. ш. 31°44′58″ у. д.HGЯO
Насельніцтва	▼3 чал. (2009);
Часавы пояс	UTC+3
Тэлефонны код	+375 2241
Аўтамабільны код	6
СААТА	7240816096

Стабо́ршчына^[1] (трансліт.: Staborščyna, руск.: Стаборщина) — вёска ў Крычаўскім раёне Магілёўскай вобласці. Уваходзіць у склад Бельскага сельсавета (да 2024 года — Лабковіцкі сельсавет^[2]).

Назва

Назва Стаборшчына адыменнага (антрапанімічнага) паходжання, ад балцка-літоўскага двухасноўнага імя Stã-bar’as^[3].

Тое ж імя ў тапоніме Стобараў / рус. Стоборов (на поўначы ад Пуціўля на дзесенскай рацэ Сейм), якое падмацоўваецца і сучасным пуціўльскім антрапонімам (прозвішчам) Стобараў. Побач са Стобаравам — адыменныя тапонімы Скунасава і Вегераўка (ад двухасноўных імёнаў Sku-nas’as, Ve-ger’as^[4]).

У наваколлі Мсціслава, апроч Стаборшчыны, такога ж паходжання (ад балцка-літоўскіх двухасноўных імёнаў) тапонімы Слабуты, Есьманава, Валымерава, Гімбатаўка (< Sla-but’as, Eis-man(t)'as, Val-mer’as, Gim-but’as).

Узнікненне гэтых тапонімаў пад Мсціславам найімаверней адносіцца да XV стагоддзя, калі пры вялікім князі літоўскім Казіміры на ўсходзе і поўдні з мэтай змацавання дзяржавы рассяляліся літоўскія баяры, збольшага з тэрыторый, прылеглых да сучаснай літоўскай мяжы з паўднёвага ўсходу^[5].

Пачатковы элемент Стаб- (< Sta-bar-) у назве Стаборшчыны трэба адрозніваць ад нашмат больш даўняга балцкага кораня Stab- у назве зусім забытай рачулкі Стабачня (на карце канца XVIII стагоддзя пазначаная як «Стабочня»), якая тут сама ў басейне ракі Чорная Натапа на захадзе ад Стаборшчыны.

Стабачня ад *Стабка, якая ад адпачатнай балцкай формы тыпу *Stabi̯a. Гідранімічны адпаведнік — паўночналітоўская рачная назва Stabė «Каменка»^[6], ад балцкага *stabas «камень». На захадзе ад Стабачні — прыток Проні рачулка Каменка, назва якой найвер��годней перакладае ранейшую балцкую назву з «каменным» коранем Stab-.

Крыніцы

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Стабо́ршчын, м.
↑ Решение Могилевского областного Совета депутатов от 12 сентября 2024 г. № 7-12 О переименовании Лобковичского сельсовета Кричевского района Могилевской области
↑ Z. Zinkevičius. Lietuvių asmenvardžiai. Vilnius, 2008. C. 77 (Bar-), 138 (Sta-).
↑ Z. Zinkevičius. Lietuvių asmenvardžiai. Vilnius, 2008. C. 92 (Ger-), 120—121 (Nas-), 136 (Sku-), 158 (Ve-).
↑ Адкуль Бешанковічы // Arche. № 2. 2021. Стар. 50—53.
↑ A. Vanagas. Lietuvių hidronimų etimologinis žodynas. — Vilnius, 1981. — С. 313.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Стабо́ршчын, м.

[2] Решение Могилевского областного Совета депутатов от 12 сентября 2024 г. № 7-12 О переименовании Лобковичского сельсовета Кричевского района Могилевской области

[3] Z. Zinkevičius. Lietuvių asmenvardžiai. Vilnius, 2008. C. 77 (Bar-), 138 (Sta-).

[4] Z. Zinkevičius. Lietuvių asmenvardžiai. Vilnius, 2008. C. 92 (Ger-), 120—121 (Nas-), 136 (Sku-), 158 (Ve-).

[5] Адкуль Бешанковічы // Arche. № 2. 2021. Стар. 50—53.

[6] A. Vanagas. Lietuvių hidronimų etimologinis žodynas. — Vilnius, 1981. — С. 313.

[1]

Бельскі сельсавет
Цэнтр	Бель 1
Пасёлкі	Арэхаўскі · Бунькаўшчына · Дубоўскі · Кліноўскі · Ліпаўка · Падасінкі · Пад'ялецкі · Сасноўскі
Вёскі	Ананічы · Баяры · Беражыстае · Гарбатка · Глушнева · Дарлівае · Дубраўка · Залессе · Зуі · Іванаўка · Камароўка · Кашаны · Лабковічы · Нізкі · Паланіца · Паўлавічы · Песькавічы · Стаборшчына · Стараселле