Свята-Петра-Паўлаўская царква (Астравец)

Праваслаўны храм
Свята-Петра-Паўлаўская царква
54°36′47″ пн. ш. 25°57′21″ у. д.HGЯO
Краіна	Беларусь
Горад	Астравец
Канфесія	БПЦ
Епархія	Лідская епархія
Будаўніцтва	1994—1999 гады
Матэрыял	цэгла
Медыяфайлы на Вікісховішчы

Свята-Петра-Паўлаўская царква — мураваны праваслаўны храм у горадзе Астравец Гродзенскай вобласці. Знаходзіцца на вул. Савецкая^[1].

Праваслаўны храм у гонар святых пакутнікаў Косьма і Даміяна быў уладкаваны ў Астраўцы ў XIX стагоддзі ў будынку скасаванага касцёла. У 1920-х гадах будынак царквы быў вернуты каталікам і пераабсталяваны ў касцёл.

У 1993 годзе было абрана месца для пабудовы новага праваслаўнага храма. У 1994 годзе распачалося будаўніцтва храма. 25 верасня 1999 года храм быў асвячоны епіскапам Гурыем.

У 2010 годзе пробашчам быў прызначаны іерэй Георгій Савіцкі. Пры ім было абноўлена начынне ў храме, усталяваны новы іканастас, набыты царкоўны дом^[2].

Храм пабудаваны з цэглы ў выглядзе карабля^[3].

• Габрусь, Т. В. Архітэктурныя помнікі Астравецкага раёна / Т. В. Габрусь // Памяць: Гісторыка-дакументальная хроніка Астравецкага раёна / рэд. Г. П. Пашкоў [і інш.]. — Мінск: БелЭн, 2004. — С. 477.
• Кулагін, А. М. Праваслаўныя храмы Беларусі: энцыклапедычны даведнік / А. М. Калугін. — Мінск: Беларуская Энцыклапедыя імя Петруся Броўкі, 2007. — С. 23.
• Сямёнава, Т. Асвячэнне храма: адкрыццё царквы Святых апосталаў Пятра і Паўла / Таіса Сямёнава. — Астравецкая праўда. — 1999. — 29 верасня. — С. 1.

• Свята-Петра-Паўлаўская царква (Астравец) на сайце Глобус Беларусі (руск.)