Сара Неслунд

Сара Неслунд
Агульная інфармацыя
Пол	жанчына[2]
Спецыялізацыя	фрыстайл[3] і гарналыжны спорт
Нарадзілася	6 ліпеня 1996(1996-07-06)[1][2] (28 гадоў) Gudmundrå parish[d], Крамфарс, лен Вестэрнорланд, Швецыя[2]
Грамадзянства	Швецыя[2]
Рост	167 см
Вага	63 кг
Медыяфайлы на Вікісховішчы

Сандра Неслунд (шведск.: Sandra Näslund нар. 6 чэрвеня 1996 г.) — шведская фрыстайлістка, якая спецыялізуецца ў дысцыпліне скі-крос. Двухразовая чэмпіёнка свету, уладальніца Малога хрустальнага глобуса.

Упершыню на міжнароднай арэне ў стартах пад эгідай FIS Сандра Неслунд выступіла ў лютым 2012 года на спаборніцтвах у Швецыі. Праз месяц, 3 сакавіка 2012 года дэбютавала ў Кубку свету, адразу заняўшы 22-е месца і набраўшы першыя ачкі ў залік Кубка свету.

Праз год, у Орэ ўпершыню трапіла ў дзясятку, а ў студзені 2014 за месяц да пачатку сочынскай Алімпіяды заваявала дэбютны подыум, стаўшы другой на этапе ў французскім Валь Тарансе. На Алімпіядзе сямнаццацігадовая шведка дайшла да паўфіналу, дзе заняла апошняе месца і трапіла ў фінал В. У суцяшальным фінале Неслунд была першай і заняла выніковае пятае месца. У тым жа сезоне стала віцэ-чэмпіёнкай свету сярод юніёраў.

У 2016 годзе на сусветным юніёрскім першынстве заваявала залаты медаль. 14 студзеня 2017 на этапе ў італьянскім Ватлесе атрымала першую перамогу ў кар’еры. Таксама выйграла хатні этап у Ідры. Па выніках сезона заняла другое месца ў заліку скі-кроса, саступіўшы канадцы Марыэль Томпсан. У канцы сезону на чэмпіянаце свету ў Іспаніі заваявала залаты медаль, якая стала першай у гісторыі шведскага скі-кроса.

У алімпійскім сезоне 2017/18 да пачатку Гульняў Неслунд з васьмі этапаў выйграла шэсць, яшчэ двойчы была трэцяй, выйграла агульны залік шматдзённага Cross Alps Tour. На Алімпіядзе шведка была безумоўным фаварытам спаборніцтваў па скі-кросе. Яна ўпэўнена дайшла да фіналу, але заняла апошні радок, стаўшы чацвёртай. Пасля Гульняў выйграла этап у Сонечнай Даліне і забяспечыла сабе перамогу ў заліку скі-кроса.

• На Вікісховішчы ёсць медыяфайлы па тэме Сара Неслунд