Раўнаполле

Вёска Раўнаполле Краіна Беларусь Вобласць Мінская Раён Пухавіцкі Сельсавет Пярэжырскі Каардынаты 53°37′18″ пн. ш. 27°49′48″ у. д.HGЯO Насельніцтва ▼297 чал. (2019) Часавы пояс UTC+3 Тэлефонны код +375 1713 Паштовыя індэксы 222850 Аўтамабільны код 5 Раўнаполле на карце Беларусі ±

Раўнаполле на Вікісховішчы

Раўнапо́лле^[1] (трансліт.: Raŭnapollie, руск.: Равнополье; часам Анято́ўская Слабада́) — вёска ў Пухавіцкім раёне Мінскай вобласці. Уваходзіць у склад Пярэжырскага сельсавета.

Назва паводле прыкметы мясцовасці «роўнае поле».

У пачатку XIX стагоддзя вёска ў Ігуменскім павеце Мінскай губерні, уласнасць Оштарпаў. Не пазней за 1844 год уласнасць Харэвічаў, сяляне рабілі паншчыну для двара Анятова, альтэрнатыўнай назвай Раўнаполля была Анятоўская Слабада^[2]. У 1844 годзе на сродкі В. Харэвіча на могілках была пабудавана Сергіеўская царква. Пасля 1861 года ў Дукорскай воласці Ігуменскага павета. У другой палове XIX стагоддзя дзейнічала школа граматы, хлебазапасны магазін, піцейны дом, капліца.

У 1904 ��одзе адкрыта народнае вучылішча.

З канца лютага 1918 года тэрыторыя акупаваная войскамі Германскай і��перыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. Жыхары Раўнаполля пісалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[3]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. Народнае вучылішча было пераўтворана ў працоўную школу 1-й ступені. У 1930-х гадах праведзена прымусовая калектывізацыя, створаны калгас «Савецкая Беларусь», была кузня.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Праз тэрыторыю вёскі праходзіць Мінскае аддзяленне Беларускай чыгункі Мінск — Гомель. Ёсць прыпыначны пункт Раўнаполле

• 1816 год — 18 двары, 120 жыхароў
• 1858 год — 307 жыхароў
• 1880 год — 30 двароў, 414 жыхароў
• 1897 год — 108 двары, 666 жыхароў
• 1917 год — 153 двары, 893 жыхары
• 2002 год — 132 двары, 304 жыхары
• 2009 год — 301 жыхар
• 2019 год — 297 жыхароў^[4]

• Захар Бірала (1906—1993)— беларускі паэт, сатырык.
• Аляксей Крайко (1911—1943) — удзельнік Другой сусветнай вайны, Герой Савецкага Саюза^[5].
• Расціслаў Шылай (нар. 1936) — беларускі архітэктар.
• Пётр Казлоў (нар. 1948) — беларускі дзяржаўны служачы, палітык.
• Георгій Меркуль (нар. 1938) — вучоны ў галіне лесазнаўства і лесаводства.
• Пятрусь Капчык (1944—2020) — кіраўнік суполкі беларускай культуры «Зорка Венера», прадстаўнік беларускай дыяспары Украіны^[6][7].

• Раўнаполле // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 174. — 2 000 экз. — ISBN 978-985-11-0735-9.
• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
• Jelski A. Równopole // Słownik geograficzny Królestwa Polskiego i innych krajów słowiańskich. Tom IX: Poźajście — Ruksze (польск.). — Warszawa, 1888. — S. 825.

• На Вікісховішчы ёсць медыяфайлы па тэме Раўнаполле