Пух

Пух — мяккія птушыныя пёры, якія знаходзяцца пад жорсткім знешнім пер’евым покрывам. Маленькія птушаняты цалкам пакрытыя пухам. Пух з’яўляецца добрым тэрмальных ізалятарам, а таксама напаўняльнікам для такіх тавараў спажывання, як курткі (пухавікі), падушкі, матрацы, спальныя мяшкі.

Пух мае маленькія паветраныя кішэнькі, якія ствараюць тэрмальны бар’ер. Іншая добрая ўласцівасць пуху, што ён можа займаць вельмі малы аб’ём. Пух з’яўляецца лепшым цеплаізалявальным матэрыялам для цёплага вулічнага адзення, бо ён вельмі лёгкі, яму ўласцівая высокая сціскальнасць, добра ўтрымлівае цяпло.