Прывольная

Прывольная
Краіна	Беларусь
Вобласць	Віцебская
Раён	Віцебскі
Сельсавет	Вымнянскі
Каардынаты	55°12′34″ пн. ш. 30°37′00″ у. д.HGЯO
Ранейшыя назвы	Сапуны
Насельніцтва	39 чал. (1999);
Часавы пояс	UTC+3
Тэлефонны код	+375 212
Аўтамабільны код	2

Прыво́льная^[1] (трансліт.: Pryvoĺnaja, руск.: Привольная) (да 30 ліпеня 1964 года Сапуны́^[2]) — вёска ў Віцебскім раёне Віцебскай вобласці. Уваходзіць у склад Вымнянскага сельсавета. За 18 км на ўсход ад Віцебска, 22 км ад чыгуначнай станцыі Віцебск.

Гісторыя

У 17 стагоддзі вёска Сапуны вядома як сяло ў Віцебскім ваяводстве ВКЛ. Да 1635 года сяло належала Івану Кісялю, які ў гэтым жа годзе прадаў Сапуны ў ліку іншых вёсак свайму зяцю князю Самуілу Лукомскаму. У 1721 годзе ўладанне Феліцыяна Лукомскага, які ў 1722 годзе прадаў маёнтак з вёскай Казіміру Саковічу за 70 тыс.рублёў. Пасля 1-га падзелу Рэчы Паспалітай у 1772 годзе ў Расійскай імперыі, у Віцебскім павеце Пскоўскай, з 1776 года Полацкай губерняў, з 1777 года ў Суражскім павеце. З 1796 года ў Веліжскім павеце Беларускай губерні, з 1802 года ў Суражскім павеце, з 1866 года ў Віцебскім павеце Віцебскай губерні. У 19 стагоддзі вёска Сапуны ў складзе маёнтка Вымна. З 20 стагоддзя вёска вядома як пасёлак Сапуны пры рацэ Вымнянка ў Вымнянскай воласці. Адносілася да праваслаўнага прыхода Праабражэнскай царквы. У 1905 годзе пасёлак, 98 дзесяцін зямлі, належаў сялянам Ганчароўскага таварыства. У сакавіку 1924 года вернута ў склад БССР. З 20 жніўня 1924 года пасёлак у Котаўскім сельсавеце Суражскага раёна Віцебскай акругі (да 26 ліпеня 1930 года). Пасялковыя дзеці наведвалі за 1 вярсту ў сяле Котава школу 1-й ступені, у якой у 1924 годзе навучаліся 14 пасялковых дзяцей. У 1930 годзе пасялкоўцы ўступілі ў калгас. У 1936 годзе ў пасёлак пераселены жыхары хутара Бараны. З 20 лютага 1938 года ў Віцебскай вобласці. У гады Другой сусветнай вайны нацысцкія акупанты спалілі тут 27 двароў, 3 жыхары загінулі на франтах вайны, 3 — у партызанскай барацьбе. Пасля вайны вёска адбудавалася часткова. З 20 студзеня 1960 года ў Віцебскім раёне, з 22 снежня 1960 года ў Вымнянскім сельсавеце. У 1997 годзе знаходзілася ў складзе саўгаса імя А. Я. Углоўскага (цэнтр вёска Вымна).

Насельніцтва

2 двары, 28 жыхароў (1905)
53 жыхары (1924)
27 двароў, 132 жыхары (1941)
17 двароў, 54 жыхары (1969)
19 гаспадарак, 41 жыхар (1997)
12 двароў, 20 жыхароў (2018)

Крыніцы

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
↑ Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

Літаратура

Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

[2] Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

[1]