Платон Васільевіч Саевіч

Платон Васільевіч Саевіч
Платон Васільевіч Саевіч
	19 красавіка 1947 — 14 мая 1951
Кіраўнік урада	Панцеляймон Панамарэнка; Аляксей Кляшчоў
Папярэднік	Міхаіл Зімянін
Пераемнік	Іван Ільюшын
Нараджэнне	30 лістапада 1892; Брэсцкі павет, Гродзенская губерня, Літоўскае генерал-губернатарства, Расійская імперыя;
Смерць	28 верасня 1956 (63 гады); Мінск, БССР, СССР;
Месца пахавання	Вайсковыя могілкі;
Партыя	УКП(б) (1917)
Адукацыя	Свіслацкая настаўніцкая семінарыя; Камуністычны ўніверсітэт імя Я. М. Свярдлова[d] (1924);
Месца працы	Беларуская дзяржаўная сельскагаспадарчая акадэмія; Камуністычны ўніверсітэт Беларусі імя У. І. Леніна; Інстытут гісторыі партыі пры ЦК КПБ; Камуністычны ўніверсітэт Беларусі імя У. І. Леніна;
Прыналежнасць	СССР
Узнагароды

Плато́н Васі́льевіч Сае́віч (30 лістапада 1892, в. Раматова, Брэсцкі павет — 28 верасня 1956, Мінск) — беларускі савецкі дзяржаўны і партыйны дзеяч, міністр асветы БССР (1947—1951).

Біяграфія

З 1911 года — настаўнік, 1926—1928 гг. — дэкан і рэктар Вышэйшай камуністычнай сельскагаспадарчай школы Беларусі імя У.І.Леніна, з 1928 года — рэктар Беларускай дзяржаўная акадэміі сельскай і лясной гаспадаркі імя Кастрычнічкай рэвалюцыі (г.Горкі), з 1929 года рэктар Камуністычнага ўніверсітэта Беларускай ССР, з 1932 года — дырэктар Інстытута гісторыі партыі і Кастрычніцкай Рэвалюцыі пры ЦК КП(б) Беларусі, з мая 1933 года — загадчык кафедры Вышэйшай камуністычнай сельскагаспадарчай школы Беларусі. З 1939 года ён працаваў выкладчыкам партыйных курсаў пры ЦК КП(б)Б.

Удзельнік Вялікай Айчыннай вайны, камісар палка, начальнік палітаддзела дывізіі, начальнік аддзела прапаганды і агітацыі фронту — намеснік начальніка палітуправы фронту.

Пасля вайны працаваў палітычным саветнікам дэлегацыі ў савецка-амерыканскай камісіі па Карэі, а з 1946 года — намеснікам загадчыка аддзела ў ЦК КПБ.

Рэпрэсаваны ў 1951 годзе, асуджаны на 25 гадоў, адбываў пакаранне пад Тайшэтам у Азёрлагу МУС.

Пастановай Камітэта дзяржаўнай бяспекі БССР і ваеннага пракурора Беларускай ваеннай акругі ад 5 жніўня 1954 года следчая справа была спынена. Быў рэабілітаваны ў 1956 годзе. Памёр у 1956 годзе.

Член ЦК КП(б)Б (1932—1934, 1949—1951), член ЦВК БССР (1929—1931). Быў дэпутатам Вярхоўнага Савета СССР 2-га склікання (1950—1951).

↑ Указ Прэзідыума Вярхоўнага Савета БССР ад 19 красавіка 1947 г. «Аб прызначэнні тав. Саевіча П. В. міністрам асветы Беларускай ССР»

Саевич Платон Васильевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 551. — 737 с.
Эммануил ИОФФЕ. Ирония чистосердечного признания (руск.). «СБ. Беларусь сегодня» (13 кастрычніка 2011).
Саевич Платон Васильевич. Государственное учреждение образования «Средняя школа №3 г.Свислочь» Архівавана 22 жніўня 2017.