Павел Ананьевіч Крыванос

Павел Ананьевіч Крыванос
Дата нараджэння	1920(1920)
Месца нараджэння	в. Альхоўка, Клічаўскі раён, Мінская вобласць
Дата смерці	23 чэрвеня 1944(1944-06-23)
Месца смерці	Віцебская вобласць
Месца пахавання	Віцебскі раён
Грамадзянства	СССР
Прыналежнасць	СССР
Род войскаў	бранятанкавыя войскі
Гады службы	1941—1945
Званне
Бітвы/войны	Вялікая Айчынная вайна
Узнагароды і званні

Павел Ананьевіч Крыванос (1920 — 23 чэрвеня 1944, Віцебская вобласць) — малодшы лейтэнант Рабоча-сялянскай Чырвонай Арміі, удзельнік Вялікай Айчыннай вайны, Герой Савецкага Саюза (1945).

Павел Крыванос нарадзіўся ў 1920 годзе ў вёсцы Альхоўка (цяпер Клічаўскі раён Магілёўскай вобласці Беларусі). Скончыў сярэднюю школу. У 1941 годзе быў прызваны на службу ў Рабоча-сялянскую Чырвоную Армію. У 1943 годзе ён скончыў Саратаўскае танкавае вучылішча. З таго ж года — на франтах Вялікай Айчыннай вайны. Да чэрвеня 1944 года малодшы лейтэнант Павел Крыванос камандаваў узводам 253-га інжынерна-танкавага палка 4-й штурмавой інжынерна-сапёрнай брыгады 3-га Беларускага фронту. Вызначыўся ў час Беларускай аперацыі^[1].

23 чэрвеня 1944 года ўзвод Крываноса удзельнічаў у разгроме нямецкай групоўкі, якая апынулася ў акружэнне на тэрыторыі Віцебскай вобласці Беларускай ССР. Калі яго танк камандзіра быў атакаваны варожай штурмавой гарматай, Крыванос закрыў яго сваім танкам, цаной свайго жыцця спасшы яго. Пахаваны ў вёсцы Скрыдлева Віцебскага раёна Віцебскай вобласці Беларусі^[1].

Указам Прэзідыума Вярхоўнага Савета СССР ад 24 сакавіка 1945 года малодшы лейтэнант Павел Крыванос пасмяротна быў удастоены высокага звання Героя Савецкага Саюза. Таксама пасмяротна быў узнагароджаны ордэнам Леніна^[1].

У гонар Крываноса усталяваны абеліск у Скрыдлёва, названая вуліца ў Клічаве^[1], яго імя носіць ААШ № 1 горада Клічава, а насупраць старога будынка школы ўстаноўлены бюст П. А. Крываноса.

• Крывано́с Павел Ананьевіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 493. — 10 000 экз. — ISBN 985-11-0035-8. — ISBN 985-11-0144-3 (т. 8).
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

• Павел Ананьевіч Крыванос на сайце «Героі краіны»