Няманя Міліч

Няманя Міліч
Агульная інфармацыя
Нарадзіўся	25 мая 1990(1990-05-25)[1] (34 гады) Сомбар, абшчына Сомбар[d], Сацыялістычны аўтаномны край Ваяводзіна, Сацыялістычная Рэспубліка Сербія, СФРЮ
Грамадзянства	Сербія
Рост	186 см
Вага	82 кг[2]
Пазіцыя	нападнік
Інфармацыя пра клуб
Клуб	Алекса Шанціч
Клубная кар’ера[* 1]
2007—2013 ОФК (Бялград) 89 (13) 2013—2016 Спартак (Субаціца) 80 (17) 2017—2018 Црвена Звезда (Бялград) 28 (3) 2019—2022 БАТЭ (Барысаў) 96 (21) 2023 Младаст (Нові-Сад) 17 (3) 2023— Алекса Шанціч
Нацыянальная зборная[* 2]
2006 Сербія (да 17) 2 (1) 2008—2009 Сербія (да 19) 11 (2) 2011 Сербія (да 21) 1 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 кастрычніка 2023. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 17 лютага 2019
Медыяфайлы на Вікісховішчы

Няманя Міліч (сербск.: Nemanja Milić / Немања Милић; нар. 25 мая 1990) — сербскі футбаліст, нападнік клуба «Алекса Шанціч».

Нарадзіўся ў горадзе Сомбар і пачынаў займацца футболам у мясцовым клубе «Спектар», але першай прафесійнай камандай стаў бялградскі ОФК. У асноўнай камандзе дэбютаваў у сезоне 2006/07, наступны сезон правёў у юнацкай камандзе, а з сезона 2008/09 замацаваўся ў асноўнай камандзе. У пачатку 2009 года нападнікам цікавіўся «Ліверпул», а праз два гады цікавасць праяўляла «Астан Віла». У пачатку 2013 года не гуляў з-за траўмы і ўлетку пакінуў ОФК у якасці свабоднага агента.

У ліпені 2013 года далучыўся да «Хайдука» з Кулы, але неўзабаве перайшоў у «Спартак» з Субаціцы. У першым сезоне не меў трывалага месца ў аснове, а ў сезоне 2014/15 з 7 галамі стаў найлепшым бамбардзірам каманды. У сезоне 2015/16 выкарыстоўваўся ў якасці другога нападніка і забіў 3 галы. У першай палове сезона 2016/17 забіў 6 галоў, у снежні 2016 года быў прызнаны найлепшым іграком года ў клубе.

У студзені 2017 года перайшоў у сталічную «Црвену Звезду». Спачатку трывала выхадзіў на поле, пазней стаў радзей з’яўляцца ў складзе, у тым ліку з-за траўм.

У снежні 2018 года перайшоў у беларускі клуб БАТЭ^[3]. Стаў адным з асноўных нападнікаў барысаўчан, хоць часам адсутнічаў з-за траўм. У лістападзе 2022 года стала вядома, што Міліч пакідае БАТЭ^[4].

У снежні 2022 года быў прадстаўлены ў якасці іграка «Младасці» з Нові-Сада^[5]. Пакінуў клуб па заканчэнні сезона 2022/23 і пазней, завяршыўшы прафесійную кар’еру, стаў выступаць за аматарскі клуб «Алекса Шанціч» з шостага дывізіёна.

Выступаў за юнацкія і моладзевыя зборныя Сербіі розных узростаў.

• 01 Чэмпіён Сербіі: 2017/18
• 02 Сярэбраны прызёр чэмпіянату Сербіі: 2016/17
• 02 Сярэбраны прызёр чэмпіянату Беларусі (3): 2019, 2020, 2021
• 03 Бронзавы прызёр чэмпіянату Беларусі: 2022
• Уладальнік Кубка Беларусі (2): 2020, 2021
• Уладальнік Суперкубка Беларусі: 2022