Нокс (акруга, Мэн)

Нокс
англ.: Knox County
Краіна	ЗША
Уваходзіць у	Мэн[1]
Адміністрацыйны цэнтр	Rockland[d]
Дата ўтварэння	1860
Насельніцтва	▲40 607 чал. (1 красавіка 2020)[2]
Плошча	2 958 км²
Афіцыйны сайт (англ.)
Медыяфайлы на Вікісховішчы

Акруга Нокс (англ.: Knox County) — акруга на поўдні штата Мэн, ЗША. Насельніцтва на 2020 год складала 40 607 чалавек.

Акруга Нокс была створана ў 1860 годзе і названа ў гонар Генры Нокса, генерала амерыканскай рэвалюцыі і першага ваеннага міністра ЗША. Адміністрацыйны цэнтр акругі — горад Рокленд, гавань якога славіцца амарамі.

Плошча акругі складае 2 960 км², з іх 950 км² (32 %) — суша, а 2020 км² (68 %) — вада. Знаходзіцца на беразе заліваў Масконгус і Пенабскот-Бэй і ўключае ў сябе некалькі астравоў. Акругу перасякае рака Сэнт-Джордж^[3].

Паводле перапісу 2020 года ў акрузе Нокс жылі 40 607 чалавек. Сярэдні ўзрост насельніцтва — 48,7 год. Насельніцтва акругі па ўзроставым дыяпазоне размеркавалася наступным чынам: 17,7 % — жыхары маладзейшыя за 18 гадоў, 57,3 % — ад 18 да 65 гадоў і 25,0 % — ва ўзросце 65 гадоў і старэй. Расавы склад: белыя — 92,9 %, афраамерыканцы — 0,7 %, карэнныя амерыканцы — 0,4 % і азіяты — 0,6 %. 1,7 % насельніцтва — лацінаамерыканцы^[4].

У 2020 годзе медыяны даход на сям’ю ацэньваўся ў 79 737 $, на хатнюю гаспадарку — у 63 399 $. 9,3 % насельніцтва пражываюць за рысай беднасці. 36,3 % маюць вышэйшую адукацыю. 54,7 % былі супрацоўнікамі прыватных кампаній, 7,7 % — самазанятыя работнікі, 12,7 % — супрацоўнікі прыватных некамерцыйных арганізацый, 11,3 % — дзяржаўныя служачыя, 13,6 % — самазанятыя ў уласным незарэгістраваным бізнесе або хатняй гаспадарцы^[4].

• 
  Будынак суда акругі Нокс
• 
  Востраў Ігл
• 
  Пенабскот-Бэй