Мікіта Іванавіч Смарчкоў

Мікіта Іванавіч Смарчкоў
Дата нараджэння	30 красавіка 1916(1916-04-30)
Месца нараджэння	Трафіменкі[d], Нова-Тухінская воласць[d], Аршанскі павет, Магілёўская губерня, Расійская імперыя
Дата смерці	7 верасня 2002(2002-09-07) (86 гадоў)
Месца смерці	Чарнігаў, Чарнігаўская вобласць, Украіна
Прыналежнасць	СССР
Узнагароды і званні

Мікіта Іванавіч Смарчкоў (17 (30) красавіка 1916, вёска Трафіменкі, Дубровенскі раён, Віцебская вобласць — 7 верасня 2002) — ваенны лётчык, Герой Савецкага Саюза (1945).

З сялян. Член КПСС з 1943 года. У 1937 годзе скончыў Рыбінскі аэраклуб^[1], у 1941 годзе Балашоўскую школу ваенных лётчыкаў. Падчас Вялікай Айчыннай вайны з 1941 года на Калінінскім, Варонежскім, 1-м, 2-м, 3-м Украінскім франтах, камандзір эскадрыллі штурмавога авіяпалка. Удзельнік баёў пад Масквой, Варонежам, на Курскай дузе, Украіне, у Румыніі, Югаславіі, Венгрыі. Зрабіў 196 баявых вылетаў, прычыніў ворагу вялікія страты ў жывой сіле і тэхніцы.

Да 1947 года ў Савецкай Арміі. Жыў у Чарнігаве. Да 1977 года на адміністрацыйных і гаспадарчых пасадах.

Ганаровы грамадзянін горада Дуброўна^[1].

Узнагароджаны ордэнам Леніна, ордэнам Айчыннай вайны 1 ступені, трыма ордэнамі Чырвонага Сцяга, югаслаўскім ордэнам Партызанскай Зоркі, медалямі.

• Смарчкоў Мікіта Іванавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 52. — 10 000 экз. — ISBN 985-11-0035-8. — ISBN 985-11-0251-2 (т. 15).
• Смарчкоў Мікіта Іванавіч // Памяць: Дубровенскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: А. Я. Гаўруцікаў [і інш.]; мастак Э. Э. Жакевіч. — Мн., 1997. — Кн. 1. — С. 342—343.
• Долготович Б. Д. Почётные граждане белорусских городов: биограф. справочник (руск.) / Б. Д. Долготович. — Мн.: Беларусь, 2008. — С. 82. — 368 с. — 2 000 экз. — ISBN 978-985-01-0784-8.

• Мікіта Іванавіч Смарчкоў на сайце «Героі краіны»
• Смарчкоў Мікіта Іванавіч на сайце анлайн-энцыклапедыі «Беларусь у асобах і падзеях»