Лас-Авес
| Лас-Авес | |
|---|---|
| ісп. Las Aves | |
 Выгляд з космасу | |
| Характарыстыкі | |
| Колькасць астравоў | 11 |
| Агульная плошча | 3,35 км² |
| Насельніцтва |
|
| Размяшчэнне | |
| 11°58′49,70″ пн. ш. 67°40′08,30″ з. д.HGЯO | |
| Архіпелаг | Малыя Антыльскія астравы |
| Акваторыя | Карыбскае мора |
| Краіна | |
 Медыяфайлы на Вікісховішчы | |
Лас-А́вес (ісп.: Las Aves) — архіпелаг з 11 малых астравоў на поўдні Карыбскага мора. Уваходзіць у склад Федэральных уладанняў Венесуэлы. Агульная плошча — 3,35 км². Сталага насельніцтва няма.
Геаграфія
[правіць | правіць зыходнік]Архіпелаг Лас-Авес месціцца на поўдні Карыбскага мора ў 57,57 км на захад ад вострава Банайрэ. Бліжэйшы кантынентальны бераг Венесуэлы знаходзіцца ў 117,9 км на паўднёвы захад. Складаецца з 2 груп Барлавента (усходняя) і Сатавента (заходняя), кожную з якіх атачаюць каралавыя рыфы. Астравы нізкія, сфарміраваныя вапнякамі.
Клімат трапічны пасатны. Гадавая колькасць ападкаў не перавышае 560 мм у год.
Гісторыя
[правіць | правіць зыходнік]Археолагі выявілі, што з 1 тысячагоддзя да н. э. архіпелаг наведвалі індзейцы з узбярэжжа Венесуэлы. Яны здабывалі тут ракавіны малюскаў і соль. У 1499 г. адкрыты іспанскай экспедыцыяй на чале з Алонса дэ Ахеда. З XVII ст. іспанскія і галандскія перасяленцы выкарыстоўвалі астравы для часовага прытулку падчас здабычы рыбы і драўніны, аднак з-за недахопу пітной вады сталых паселішчаў не стваралі.
У 1678 г. каля астравоў Лас-Авес адбылася бітва паміж галандцамі і французскім флотам. Яна скончылася паражэннем французаў.
У 1938 г. уключаны ў склад Федэральных уладанняў Венесуэлы.